مادەني شارانىڭ ماقساتى – جاس بۋىنعا ەلىمىزتاريحىنداعى ايشىقتى وقيعالاردىڭ ماڭىزىن اشىپ كورسەتۋ جانە ۇلتتىق رۋحاني قۇندىلىقتارىمىز بەن مادەني مۇرامىزدى ناسيحاتتاۋعا, كورنەكتى تاريحي تۇلعالاردىڭ جاسامپاز ىستەرىن وسكەلەڭ ۇرپاق بويىندا ءسىڭىرۋ ەكەن.
جيىندى اشىپ كوپشىلىككە باس قوسۋدىڭ ماڭىزى حاقىندا تۇسىنىك بەرگەن پرەزيدەنتتىك ورتالىعى ديرەكتورىنىڭ ورىنباسارى بوتاگوز قايىپوۆا: ء«بىز وتان قورعاۋشىلار كۇنىنە جانە ۇلى جەڭىستىڭ 80 جىلدىعىنا ارنالعان سالتاناتتى شاراعا جينالىپ وتىرمىز. سونىمەن قاتار قوسشى اۋىلىنىڭ تۋماسى راحىمجان قوشقارباەۆتىڭ رەيحستاگقا جەڭىس تۋىن تىككەنىنە تۋرا 80 جىل تولىپ وتىر. باتىر اتامىزدىڭ ەرلىگىن ۇمىتپاي جادىمىزدا ساقتاۋ – ءبىزدىڭ پارىزىمىز» دەپ, شاراعا جينالعان قاۋىمدى ارنايى دايىندالعان كورمەنى تاماشالاۋعا شاقىردى.
كورمە سورەسىنەن ۇلى وتان سوعىسى جىلدارىندا ەل قورعاعان جاۋىنگەرلەردىڭ ەرلىك ىستەرىن كورسەتەتىن 100-گە جۋىق جادىگەر ورىن الىپتى. اتاپ ايتقاندا, كەڭەس وداعىنىڭ باتىرى, حالىق قاھارمانى, تاۋەلسىز قازاقستاننىڭ تۇڭعىش قورعانىس ءمينيسترى, ارميا گەنەرالى س. نۇرماعامبەتوۆتىڭ ونەگەلى ءومىر جولى تۋرالى مالىمەتتەر, سوعىس ارداگەرى اقبەك ءىدىرىس ۇلىنىڭفوتوسۋرەتتەرى, ناگرادالارى مەن قۇجاتتارى, حاتتارى, جەكە زاتتارى جانە قازاقستان رەسپۋبليكاسى قارۋلى كۇشتەرىنىڭ قالىپتاسۋ تاريحىنا قاتىستى دەرەكتى قۇجاتتار ت.ب.
سونىمەن قاتار, كەنت تۇرعىندارى مەن قوناقتار بيىل تۋعانىنا 115 جىل تولىپ وتىرعان اتاقتى قاھارمان اتامىز باۋىرجان مومىش ۇلى, تۋعانى 110 جىل تولىپ وتىرعان كەڭەس وداعىنىڭ باتىرى مالىك عابدۋلين, تۋعانى 100 جىل تولىپ وتىرعان قازاقتىڭ باتىر قىزى ءاليا مولداعۇلوۆا قاتارلى تۇلعالاردىڭ ءومىر جولىن ناسيحاتتاۋعا ارنالعان «ەرلىك داستانى» اتتى كوشپەلى كورمەءنى تاماشالادى.
