جوبانى الماتى قالاسىنىڭ توتەنشە جاعدايلار دەپارتامەنتى قر تجم رەسپۋبليكالىق جەدەل-قۇتقارۋ جاساعىمەن بىرلەسىپ جۇزەگە اسىردى. بەكەت №16 ءورت ءسوندىرۋ ءبولىمىنىڭ اۋماعىنداعى كىشى الماتى شاتقالى, قيماسار, بۋتاكوۆكا, پروسۆەششەنەتس جانە كوكجايلاۋ تانىمال تاۋ مارشرۋتتارىنىڭ جانىندا ورنالاسقان.
بەكەت جەدەل ارەكەت ەتۋ ءۇشىن قاجەتتى بارلىق زاتتارمەن, سونىڭ ىشىندە ارنايى تەحنيكامەن, جابدىقتارمەن جانە بايلانىس قۇرالدارىمەن جاراقتالعان. كەزەكشىلىكتى تاۋلىكتىڭ كەز كەلگەن ۋاقىتىندا وقيعا ورنىنا شىعۋعا دايىن بىلىكتى قۇتقارۋشىلار اتقارادى. ورتاشا دەن قويۋ ۋاقىتى 1,5–2 ساعاتقا قىسقاردى, بۇل تاۋلى جەرلەردە وتە ماڭىزدى.
«مەدەۋدە تاۋلىك بويى جۇمىس ىستەيتىن بەكەت قۇرۋ — الماتى تۇرعىندارى ءۇشىن دە, تۋريستەر ءۇشىن دە قاۋىپسىزدىك دەڭگەيىن ارتتىرۋعا باعىتتالعان ناقتى شارا», - دەپ شىڭعىس ءارىنوۆ اتاپ ءوتتى.
باقىلاۋ-قۇتقارۋ بەكەتىن اشۋ - تاۋلى اۋدانداردا دەن قويۋعا دايىندىقتى ارتتىرۋ جانە تۋريستىك ماۋسىمدا قاۋىپسىز دەمالىستى قامتاماسىز ەتۋ بويىنشا كەشەندى جۇمىستىڭ ءبىر بولىگى.
