وبلىس باسشىسى ارداگەرلەرگە جىلى لەبىزىن ءبىلدىرىپ, مەرەيتويلىق مەدال جانە قوناەۆ قالاسىنان جاڭا جايلى پاتەردىڭ كىلتىن تابىستادى.
مارات سۇلتانعازيەۆ سوعىس جىلدارىنداعى ەرلىكتەرى ءۇشىن شىن جۇرەكتەن العىسىن ايتىپ, ارداگەرلەرگە قامقورلىق كورسەتۋ – مەملەكەتتىك ساياساتتىڭ باستى باعىتتارىنىڭ ءبىرى ەكەنىن اتاپ ءوتتى.
«بۇگىنگى بەيبىت ءومىر ءۇشىن جانىن قيعان, ەرلىك كورسەتكەن جانداردىڭ ەسىمى ەل جادىندا ماڭگى ساقتالادى. سىزدەردىڭ جەڭىسكە قوسقان ۇلەستەرىڭىز باعا جەتپەس. ءبىز ارقاشان سىزدەردى ماقتان تۇتامىز», دەدى وبلىس اكىمى.
ارداگەرلەر كورسەتىلگەن قۇرمەت پەن قولداۋ ءۇشىن ءوڭىر باسشىلىعىنا العىستارىن ءبىلدىرىپ, حالقىمىزدىڭ بەيبىت زاماندا باقىتتى ءومىر ءسۇرۋىن تىلەدى.
جەڭىستىڭ 80 جىلدىعىن اتاپ ءوتۋ – وتكەن تاريحقا تاعزىم ەتىپ, ەرلىك پەن ەلدىك ۇعىمىن ۇرپاقتىڭ زەردەسىنە ءسىڭىرۋ.
ايتا كەتەيىك, وبلىستاعى بارلىق سوعىس ارداگەرلەرىنە 5 ميلليون تەڭگە كولەمىندە اقشالاي سەرتيفيكاتتار بەرىلگەن بولاتىن.
الماتى وبلىسى
