فوتو: كولىك مينيسترلىگى
ينۆەستيتسيانىڭ باستى ماقساتى — اۋەجاي ينفراقۇرىلىمىن جاڭعىرتۋ جانە قىزمەت كورسەتۋ ساپاسىن ارتتىرۋ.
الداعى جىلدارى جۇزەگە اسىرىلاتىن نەگىزگى جوبالار قاتارىندا:
- ۇشۋ-قونۋ جولاعىن قايتا جاڭارتۋ;
- جۇك تاسىمالداۋشى كومپانيالار ءۇشىن جاڭا پەررون سالۋ;
- ىشكى رەيستەر تەرمينالىن جوندەۋ;
- جۇك قويمالارىن جاڭعىرتۋ جانە تسيفرلاندىرۋ;
- جاڭا قوناق ءۇي سالۋ;
- اۋەجاي جۇمىسىنىڭ تيىمدىلىگىن ارتتىرۋعا باعىتتالعان باسقا دا ءىس-شارالار بار.
سونىمەن قاتار, اۋەجاي قىزمەتكەرلەرىنىڭ الەۋمەتتىك جاعدايىن جاقسارتۋعا ەرەكشە كوڭىل بولىنەدى. اتاپ ايتساق, 2025 جىلى جالاقى ورتا ەسەپپەن 25%-عا وسەدى, اۋەجاي ماڭىنداعى تۇرعىندار مەن قىزمەتكەرلەرگە ارنالعان مەديتسينالىق ورتالىق اشىلادى. سونىمەن قاتار 600 جاڭا جۇمىس ورنى قۇرىلادى جانە ACI اككرەديتاتسياسىنان وتكەن وقۋ ورتالىعى ىسكە قوسىلىپ, قىزمەتكەرلەرگە جەكە اسحانا اشۋ جوسپارلانعان.
ايتا كەتەيىك, 2024 جىلدىڭ ماۋسىم ايىندا الماتى قالاسى اۋەجايىنىڭ جاڭا تەرمينالى پايدالانۋعا بەرىلگەن بولاتىن. جالپى اۋدانى 53 500 شارشى مەتردى قۇرايتىن بۇل نىسان جولاۋشىلار اعىنىن ايتارلىقتاي جەڭىلدەتكەن.
كولىك مينيسترلىگىنىڭ حابارلاۋىنشا, جاڭا ينۆەستيتسيالىق جوسپاردىڭ تولىق مالىمەتتەرى الماتى حالىقارالىق اۋەجايىنىڭ 2025 جىلعى جازدا وتەتىن ءباسپاسوز كونفەرەنتسياسىندا جاريالانادى.
