جەتىسۋ اۋدانى اينابۇلاق شاعىن اۋدانىنداعى №4 مامانداندىرىلعان بالالار-جاسوسپىرىمدەر سپورت مەكتەبىندە ەل تاريحىنداعى ەڭ ۇزىن – 1704 مەتر لاعمان سوزىلىپ, بۇل مالىمەت ەلىمىزدىڭ رەكوردتار كىتابىندا رەسمي تۇردە تىركەلدى. بۇل – جاي عانا گاسترونوميالىق وقيعا ەمەس, شاھار تۇرعىندارىنىڭ اۋىزبىرلىگىنىڭ نىشانى ىسپەتتى, جۇرەككە جىلىلىق ۇيالاتقان ءسات ەدى. الماتىنىڭ 50-دەن استام اسپازى مەن اۋدان تۇرعىندارى لاعماننىڭ قامىرىن ەكى ساعاتتا يلەپتى. ءتۇرلى ەتنوس وكىلدەرى ورتاق داستارقان ءۇشىن بىرلىك تانىتىپ, ءبىر كىسىدەي كۇش سالدى.
قازاقستان رەكوردتار كىتابىنىڭ رەسمي وكىلى باقىتجان ءسابيت ۇلى: «لاعمان قانشا مەتر بولسا دا جاڭا رەكورد ورناتىلدى, ويتكەنى مۇنداي ءىس-شارا ەلىمىزدە العاش رەت وتكىزىلىپ وتىر. ءبىز لاعماننىڭ ۇزىندىعىن عانا ەمەس, ەتنوسارالىق بايلانىستىڭ بەرىكتىگىن دە بەكىتەمىز», دەدى.
ءدال وسى كۇنى ءبىر ۇستەلدىڭ اينالاسىنان قازاق, ۇيعىر, وزبەك, دۇنگەن, كورەي مەن باسقا ۇلت وكىلدەرى تابىلدى. بىرەۋ قامىر يلەسە, ەكىنشىسى ءيىن كەلتىرىپ, كوڭىلدى ءجۇردى.
ء«اربىر قاتىسۋشىنىڭ الدىندا قامىردىڭ ۇزىلمەۋىن قاداعالاۋ مىندەتى تۇردى. كەيبىر قيىندىققا قاراماستان, اسپازدارىمىز ۇدەدەن شىقتى», دەيدى الماتى قالاسى جەتىسۋ اۋداندىق انالار كەڭەسىنىڭ ءتورايىمى راحيما وماروۆا.
اسپازدىق وقيعاعا بولىسقان زۋحرا يزماسوۆا: ء«سال اۋىر, تىم ۇزىن لاعمان, بىراق تاپسىرما نەعۇرلىم قيىن بولسا, سوعۇرلىم قىزىقتى بولادى ەكەن» دەيدى.
الماتى
