جوبا بويىنشا كەلىسىمشارت بيىل 20 مامىرعا دەيىن جاسالىپ, كەلەر جىلدىڭ تامىزىنا دەيىن ىسكە قوسىلادى. سونداي-اق جىل سوڭىنا دەيىن قالالىق قوعامدىق كولىكتى 100 پايىز ەكولوگيالىق باعىتتا دامىتۋ كوزدەلىپ وتىر. بيىل 29 ساۋىردە 600 گازبەن جۇرەتىن جانە 200 ەلەكتر اۆتوبۋستى ساتىپ الۋعا بايقاۋ جاريالاندى. جەكە تاسىمالداۋشىلار ءوز تاراپىنان 800 گازبەن جۇرەتىن جانە 118 ەلەكتر اۆتوبۋستى ساتىپ الۋدى جوسپارلاپ وتىر.
ەلەكتر كولىگى ينفراقۇرىلىمىن دامىتۋ ماقساتىندا بيىل اقپاننان باستاپ 6 ينۆەستورعا 233 ەلەكتر زاريادتاۋ ستانتسياسىن ورناتۋعا تەحنيكالىق شارتتار بەرىلدى. سونىمەن قاتار, «جاسىل» وبليگاتسيالار ەسەبىنەن 100 ەلەكتروبۋس ساتىپ الىپ, 10 تروللەيبۋس قوسالقى ستانتسياسىن جاڭعىرتۋعا قۇجاتتار دايىندالدى.
الماتى اكىمدىگى العاش رەت «جاسىل» وبليگاتسيالاردى ەلەكتروبۋس ساتىپ الۋعا عانا ەمەس, سونداي-اق, جەلتوقسان كوشەسىندەگى BRT جەلىسىنىڭ قۇرىلىسىن جالعاستىرۋعا باعىتتاماق.
