ۆيدەودان سكرين
20 جاستاعى ارلان قۇسايىنوۆتىڭ ايتۋىنشا, ول سول كۇنى تالعار قالاسىنداعى اكىمدىك ماڭىندا دوستارىمەن بىرگە كولىكتە بولعان. كۋاگەردىڭ سوزىنە قاراعاندا, ول نە مارقۇمدى, نە ايىپتالۋشىلاردى تانىمايدى.
– وقيعا ورنىنان حابار جەتكەن كەزدە ءبىز بىرگە تۇرعانبىز. سول كەزدە دوستارىمىزدىڭ ءبىرى – دانيار جانبولاتتىڭ اناسى قوڭىراۋ شالىپ, ء«بىر جاقتا اتىس بولىپ جاتىر, ۇيلەرىڭە قايتىڭدار» دەپ ەسكەرتكەن. ءبىز اۆتوبازا جاققا بەت الدىق. مەن سوڭعى بولىپ جەتتىم, سول كەزدە دوستارىم تاراپ كەتىپتى, – دەدى ارلان.
سوتتا ەكىنشى بولىپ ءسوز العان – دانيار جانبولات ۇلى. ول سول ءتۇنى وقيعاعا جاقىن ماڭدا ورنالاسقان «قاماجاي» دۇكەنىنىڭ جانىندا بولعان. اناسى الاڭداۋشىلىقپەن حابارلاسىپ, بەلگىسىز ءبىر جاعداي ورىن العانىن جەتكىزگەن. تەلەفون ارقىلى جىلاعان داۋىس ەستىگەن دانيار شۇعىل تۇردە دوستارىمەن بىرگە وقيعا ورنىنا بارادى.
– ءبىز دۇكەننىڭ الدىندا بىرنەشە جىگىتتىڭ جاراقات العانىن كوردىك. ولار, مەنىڭشە, شەرزات بولاتتىڭ دوستارى بولاتىن. ءبىر جىگىتتىڭ باسىندا قاتتى جاراقات بار ەدى. ءبىز توبەلەس بولعان شىعار دەپ ويلادىق. مۇنداي اۋىر جاعداي بولادى دەپ ەشكىم كۇتپەدى, – دەپ ەسكە الدى كۋاگەر.
دانيار جانبولات ۇلى سونداي-اق سول ءتۇنى تۇسىرىلگەن بەينەجازبا تۋرالى دا ايتتى. ونىڭ سوزىنشە, بۇل بەينەجازبا الەۋمەتتىك جەلىلەردە تاراعان جانە كورشىسىنىڭ ءتورتىنشى قاباتتاعى پاتەرىنەن تۇسىرىلگەن.
بۇل ءىس قازىر قوعام نازارىندا تۇر. جابىرلەنۋشى تاراپ پەن قوعام بەلسەندىلەرى سوتتىڭ ءادىل ءارى اشىق ءوتۋىن تالاپ ەتىپ وتىر. قوعامدا رەزونانس تۋدىرعان بۇل قىلمىستىق ءىستىڭ سوت پروتسەسى جالعاسىپ جاتىر.
