الماتى تسيركىنىڭ ارتيستەرى, ايگىلى «سەربات» اكروباتيكالىق توبىنىڭ مۇشەلەرى – باتىر جانۇزاق پەن مارلەن ماراتوۆ ميلانداعى بەدەلى جوعارى «Lo Show Dei Record» حالىقارالىق شوۋىندا ەرەكشە رەكورد ورناتىپ, گيننەستىڭ رەكوردتار كىتابىنا ەندى. بۇل تۋرالى الماتى قالاسىنىڭ وڭىرلىك كوممۋنيكاتسيالار قىزمەتىنىڭ ءباسپاسوز كونفەرەنتسياسىندا رەكورد جاساعان ونەرپازداردىڭ وزدەرى باياندادى.
كورەرمەندەردى عانا ەمەس, حالىقارالىق قازىلار القاسىن دا تاڭعالدىرعان قازاق تسيركىنىڭ مايتالماندارى يتاليادا باسپالداقتان توڭكەرىلىپ تۇسكەن اداممەن بىرگە ەڭ قيىن تريۋكتى 36,66 سەكۋندتا ورىنداعان. وسىلايشا كۇردەلى ءنومىر الماتىلىق اكروباتتاردىڭ ەرەكشە دايارلىعىن, ەپتىلىگى مەن شەبەرلىگىن پاش ەتتى.
«بۇل كەرەمەت ءسات بولدى. ءبىز بۇل رەكوردقا ۇزاق ءارى تاباندىلىقپەن دايىندالدىق. بۇكىل زالدىڭ قوشەمەتىنە بولەنۋ – ۇمىتىلمايتىن ەرەكشە ءسات بولدى!», دەيدى, ايگىلى «سەربات» اكروباتيكالىق توبىنىڭ مۇشەسى باتىر جانۇزاق.
الماتى تسيركىنىڭ اكروباتيكا ونەرىنىڭ شەبەرى مارلەن ماراتوۆ دا ارىپتەسىن قۋاتتاي كەلە: ء«بىز ءۇشىن بۇل جاي عانا رەكورد ەمەس, بۇل بۇكىل كوماندامىزدىڭ ەڭبەگىنە, تسيرك ونەرىنە دەگەن ماحابباتىنا بەرىلگەن باعا. بىزگە سەنىم ارتقان بارشا جانكۇيەرلەرگە العىسىمىز شەكسىز!», دەدى.
«سەربات» تسيرك توبى بۇعان دەيىن دە الەمدىك ساحنالاردا تانىلىپ, «America's Got Talent», «Britain's Got Talent», «China’s Got Talent» سىندى اتاقتى شوۋلاردا ونەر كورسەتىپ, جەڭىستى ورىنداردان تابىلعان.
ءباسپاسوز ءماسليحاتىندا قازاق مەملەكەتتىك تسيركىنىڭ ديرەكتورى ماقسات جايىقوۆ ءوز ونەرپازدارىمەن ماقتانىپ: «بۇل رەكورد – جەكە جەتىستىك قانا ەمەس, سونىمەن قاتار قازاق تسيرك ونەرىنىڭ دامۋىنا قوسىلعان زور ۇلەس. قازاقستاندا ناعىز تسيرك شەبەرلەرى بار ەكەنىن بۇكىل الەم تاعى دا مويىندادى», دەدى
قازاق مەملەكەتتىك تسيركىنىڭ ديرەكتورى بۇل رەكورد وتاندىق ارتىستەردىڭ دەڭگەيىن دالەلدەپ, الماتى تسيركىنىڭ حالىقارالىق ارەناداعى بەدەلىن نىعايتۋعا جاسالعان تاعى ءبىر قادام بولعانىن اتادى.
الماتى
