الداعى كۇندەرى قازاقستاننىڭ اۋا رايىن وڭتۇستىك تسيكلون انىقتايدى. 6-8 مامىردا رەسپۋبليكانىڭ باتىسىندا, سولتۇستىك-باتىسىندا جانە سولتۇستىگىندە, ال 8 مامىردان باستاپ ورتالىق, شىعىس جانە وڭتۇستىك وبلىستاردا جاڭبىر جاۋىپ, نايزاعاي ويناپ, كەي جەرلەردە بۇرشاق جاۋى مۇمكىن.
6-7 مامىردا باتىس قازاقستان, اتىراۋ وبلىستارىندا, 7 مامىردا ماڭعىستاۋ وبلىسىندا, 7-8 مامىردا اقتوبە وبلىسىندا قاتتى جاۋىن-شاشىن كۇتىلەدى. سينوپتيكتەردىڭ بولجامىنشا, تەك قاراعاندى وبلىسىندا جاۋىن-شاشىنسىز اۋا رايى ساقتالادى.
ەلىمىزدىڭ وڭتۇستىك-باتىسىندا, سونداي-اق 8 مامىردا وڭتۇستىك-شىعىستا شاڭدى داۋىل سوعادى.
6 مامىردا تۇندە جانە تاڭەرتەڭ پاۆلودار, اباي وبلىستارىندا, سونداي-اق 6-7 مامىردا شىعىس قازاقستان وبلىسىندا ۇسىك ءجۇرۋى مۇمكىن.
اۋا تەمپەراتۋراسى كۇندىز قۇبىلمالى بولادى. باتىستا 23-30-دان 21-26 گرادۋسقا دەيىن تومەندەۋى كۇتىلەدى. ەلىمىزدىڭ سولتۇستىك-باتىسىندا, سولتۇستىگىندە جانە شىعىسىندا اۋا تەمپەراتۋراسى 20-25 گرادۋستان 24-29 گرادۋسقا دەيىن كوتەرىلەدى. رەسپۋبليكانىڭ ورتالىعىندا اۋا 27-35 گرادۋسقا دەيىن جىلىسا, وڭتۇستىك پەن وڭتۇستىك-شىعىستا 38 گرادۋسقا دەيىن ىستىق بولادى دەپ كۇتىلەدى.
