فوتو: اشىق دەرەككوز
بۇل شەشىم الماتى قالالىق ءماسليحاتىنىڭ VIII شاقىرىلىمىنىڭ كەزەكتەن تىس XXIX سەسسياسىندا دەپۋتاتتاردىڭ ءبىراۋىزدان قولداۋىمەن قابىلداندى.
قالا اكىمدىگىنىڭ مالىمەتىنشە, بيىل جەڭىس كۇنى قارساڭىندا ۇلى وتان سوعىسىنىڭ ارداگەرلەرىنە 5 ميلليون تەڭگەدەن بىرجولعى الەۋمەتتىك كومەك بەرىلمەك. ال تىل ەڭبەككەرلەرىنە بەرىلەتىن تولەم كولەمى دە ەكى ەسەگە ءوسىپ, 100 مىڭ تەڭگەنى قۇراپ وتىر. بۇعان دەيىن بۇل ساناتتاعى ازاماتتارعا 50 مىڭ تەڭگەدەن تولەنەتىن.
«ارداگەرلەر مەن تىل ەڭبەككەرلەرىنە كورسەتىلەتىن بۇل قولداۋ – ۇرپاقتىڭ ەرلىككە تاعزىم ەتىپ, تاريحي جادىنى جاڭعىرتۋداعى جاۋاپكەرشىلىگىنىڭ ءبىر كورىنىسى. بارلىق تولەمدەر ەشقانداي ءوتىنىشسىز, اۆتوماتتى تۇردە ەسەپشوتتارعا اۋدارىلادى», دەلىنگەن قالا اكىمدىگىنىڭ رەسمي حابارلاماسىندا.
قازىرگى تاڭدا وڭتۇستىك استانادا 21 ۇوس ارداگەرى مەن 6 149 تىل ەڭبەككەرى تۇرىپ جاتىر. قالا باسشىلىعى بۇل ساناتتاعى ازاماتتارعا مەديتسينالىق, الەۋمەتتىك جانە تۇرمىستىق قولداۋ كورسەتۋ باعىتىندا دا كەشەندى شارالار جۇرگىزىپ كەلەدى.
