جيىندا پرەمەر-ءمينيستردىڭ كەڭەسشىسى بيبىگۇل اسىلوۆا كونفەرەنتسيا قاتىسۋشىلارىنا ۇكىمەت باسشىسىنىڭ ورىنباسارى ەرمەك كوشەرباەۆتىڭ قۇتتىقتاۋىن وقىپ بەردى.
اتالعان قۇتتىقتاۋدا, كاسىپوداق قىزمەتى قوعامىمىزداعى الەۋمەتتىك تۇراقتىلىق پەن كەلىسىمدى نىعايتۋعا زور ۇلەس قوسىپ كەلە جاتقانى, ءبىلىم-عىلىم سالاسى – ۇلتتىڭ بولاشاعى, ال سول سالانىڭ ماماندارى – ەلدىڭ ەڭ باستى كاپيتالى ەكەنى ايتىلعان.
سالالىق كاسىپوداق توراعاسى ايگۇل مۇقاشەۆانىڭ ايتۋىنشا, 2024 جىلى كاسىپوداقتىڭ قۇقىقتىق قىزمەتى 34 201 ءوتىنىشتى قاراپ, ناقتى شەشىمدەر قابىلداعان. جەكە ەڭبەك داۋلارى بويىنشا 715 ءىس كەلىسۋ كوميسسياسىندا, 52 ءىس سوتتا قارالىپ, زاڭسىز جۇمىستان بوساتىلعان 24 قىزمەتكەر قايتا جۇمىسقا ورنالاستىرىلعان. سونىمەن قاتار, قوعامدىق باقىلاۋ اياسىندا 2 653 تەكسەرۋ جۇرگىزىلىپ, 4 828 ەڭبەك زاڭناماسىن بۇزۋ فاكتىسى انىقتالعان.
قازاقستاننىڭ وقۋ-اعارتۋ, عىلىم جانە جوعارى ءبىلىم قىزمەتكەرلەرى سالالىق كاسىپوداعىنىڭ 100 جىلدىعىنا ارنالعان كونفەرەنتسيا بارىسىندا قازىرگى زامانعى سىن-قاتەرلەر جاعدايىندا كاسىپوداق جۇمىسىن جەتىلدىرۋ, ەڭبەككەرلەردىڭ قۇقىقتارى مەن مۇددەلەرىن قورعاۋدىڭ زاماناۋي تەتىكتەرىن ەنگىزۋ, تسيفرلىق داۋىردەگى كاسىپوداقتىڭ ءرولى مەن جاڭا ىنتىماقتاستىق فورمالارىن دامىتۋ ماسەلەلەرى تالقىلانىپ,ء بىلىم جانە عىلىم جۇيەسىندە كاسىپوداقتىڭ ءرولىن نىعايتۋ, الەۋمەتتىك-ەڭبەك قاتىناستارىنداعى مەملەكەتتىك ساياساتتى ىسكە اسىرۋعا بەلسەندى قاتىسۋدىڭ جانە قىزمەتكەرلەردىڭ قۇقىقتارىن قورعاۋ تيىمدىلىگىن ارتتىرۋ ماڭىزدىلىعى اتاپ ءوتىلدى.
