2025 جىلعى قاڭتار-ناۋرىز ايلارىنىڭ قورىتىندىسىمەن ىشكى ساۋدا بويىنشا ساتۋ كولەمى 5 149,4 ملرد تەڭگەنى قۇرادى. ناقتى كولەم يندەكسى جوسپارلى كورسەتكىشتەن (102,9%) استى. الماتى قالاسىنىڭ iشكi ساۋداسىنىڭ ۇلەس سالماعى رەسپۋبليكالىق كولەمدە بارلىق ايماقتاردىڭ iشiندە ەڭ جوعارى 36,2% -دى كورسەتتى. وسى كەزەڭدە بولشەك ساۋدا كولەمى 1 447,7 ملرد تەڭگە (نكي - 106,8%), كوتەرمە ساۋدا - 3 678 ملرد تەڭگە (نكي - 101,7%) بولعان. ودان ءارi ءوسۋ ءۇشiن تسيفرلىق شەشiمدەر مەن ساۋدانىڭ قازiرگi زامانعى فورماتتارىن بەلسەندi ەنگiزۋ تالاپ ەتiلەدi. وسىعان بايلانىستى ساۋدا نارىقتارىن جاڭعىرتۋ باسىم باعىتتاردىڭ ءبىرى بولىپ قالادى.
سوڭعى 10 جىل ىشىندە ەلىمىزدە نارىقتاردى جاڭعىرتۋ جونىندەگى اۋقىمدى باعدارلاما ىسكە اسىرىلدى. الماتى قالاسىندا 59 بازار جۇمىس ىستەيدى, ولاردىڭ 70% جۋىعى جاڭعىرتىلعان. وتكەن جىلى الماتىدا التى بازارداعى جۇمىستار اياقتالدى. بەكىتىلگەن كەستەگە سايكەس, جىل سوڭىنا دەيىن تاعى ون نىساندا جۇمىستاردى اياقتاۋ جوسپارلانعان. قازىرگى ۋاقىتتا ولاردىڭ تورتەۋىندە بەلسەندى جاڭعىرتۋ جۇمىستارى جۇرگىزىلىپ جاتىر. سونىمەن قاتار التى نارىقتا بەكىتىلگەن مەرزىمدەردى ساقتاماۋ قاۋپى بار. سەبەپتەرىنىڭ ىشىندە: جەر ۋچاسكەلەرىن پايدالانۋ بويىنشا شەكتەۋلەر, تەحنيكالىق شارتتار, اكىمشىلىك كەدەرگىلەر جانە قارجى رەسۋرستارىنىڭ تاپشىلىعى. وسىعان بايلانىستى مينيستر جاۋاپتى مەملەكەتتىك ورگاندار مەن بيزنەس سۋبەكتىلەرى اراسىندا ۇيلەستىرۋدى كۇشەيتۋدى, سونداي-اق جوبالاردى ىسكە اسىرۋ بارىسىنا جۇيەلى مونيتورينگ ورناتۋدى تاپسىردى.
ء«بىز بازارلاردى قۇرىلىس, ورتكە قارسى, سانيتارلىق-ەپيدەميولوگيالىق نورماتيۆتىك تەحنيكالىق اكتىلەردىڭ تالاپتارىنا سايكەستەندىرۋىمىز كەرەك», دەپ اتاپ ءوتتى ساۋدا جانە ينتەگراتسيا ءمينيسترى.
مينيستر الماتى قالاسى ەلىمىزدىڭ ءىرى قارجى جانە ساۋدا ورتالىعى عانا ەمەس, سونداي-اق وزىق شەشىمدەردى ەنگىزۋ الاڭى بولىپ تابىلاتىنىن اتاپ ءوتتى. 2024 جىلعى 1 قاراشادان باستاپ حالىق بانكىمەن بىرلەسىپ Digital Bazar پيلوتتىق جوباسى ىسكە اسىرىلىپ جاتىر. قازىرگى ۋاقىتتا جوباعا الماتى قالاسى مەن الماتى وبلىسىنىڭ 7 بازارى تارتىلعان, سەرۆيسكە 4 276 كليەنت قوسىلعان. جوبانى ىسكە اسىرۋ, ەلەكتروندىق ساۋدا پلاتفورمالارىن دامىتۋ, قولما-قول اقشاسىز ەسەپ ايىرىسۋدى ەنگىزۋ جانە قارجى-تەحنولوگيالىق شەشىمدەرمەن ينتەگراتسيالاۋ مەگاپوليستىڭ ساۋدا سالاسىن تسيفرلاندىرۋدىڭ جوعارى دەڭگەيىن كورسەتەدى.
«2026 جىلدان باستاپ جاڭعىرتۋدان وتپەگەن نارىقتار جۇمىسىن جالعاستىرا المايدى. بۇل ۋاقىت تالابى - قاۋىپسىزدىك, اشىقتىق جانە ىڭعايلىلىق ساۋدا ستاندارتىنا اينالۋى ءتيىس», دەپ تولىقتىردى مينيستر.
