بۇل يگى شاراعا باستاماشى بولعان – كۋرسانتتار مەن ساربازداردىڭ وزدەرى. ارداگەرگە قۇرمەت كورسەتۋ يدەياسىن اكادەميا باسشىلىعى مەن اسكەري ءبولىم قولدادى.
98 جاستاعى مايدانگەردىڭ ءۇيىنىڭ الدىندا ەسەپتىك توپ ساپتىق شەرۋمەن ءجۇرىپ ءوتتى. ولاردى اسكەري وركەستر سۇيەمەلدەدى. مايداندا تانكيست بولعان قاريا جاستارعا سوعىس جىلدارىنىڭ سۇراپىل تۇستارىن ايتىپ بەردى.
– ۇلتتىق ۇلاننىڭ اسكەري قىزمەتشىلەرىنە ەلەپ-ەسكەرگەندەرى ءۇشىن العىس بىلدىرەمىن. اسپانىمىز اشىق, ەلىمىز تىنىش بولسىن. ەڭ باستىسى – سوعىس اتاۋلى بولماسىن, – دەدى مايدانگەر.
فيودور ششەگلوۆ ۇرىسقا كيونيگسبەرگ قالاسىندا قوسىلعان. ال پالاۋدا وتكەن قاندى قىرعىندا قارۋلاستارىنان ايىرىلۋدىڭ قانداي ەكەنىن باستان كەشتى. ونىڭ جاۋىنگەرلىك جورىقتاعى ەرلىكتەرى دە ەلەۋسىز قالمادى. II دارەجەلى وتان سوعىسى وردەنىمەن, «جاپونيانى جەڭگەنى ءۇشىن» مەدالىمەن ماراپاتتالعان.
ايتا كەتەيىك, قۇقىقتىق ءتارتىپ اسكەرى «جەڭىسكە ءجۇز كۇن قالعاندا» اكتسياسى اياسىندا ساربازداردىڭ قاتىسۋىمەن ءتۇرلى ءىس-شارالار وتكىزىپ كەلەدى.
