بيىلعى جىلى بولىنگەن قاراجات كولەمى 389,4 ملن تەڭگەنى قۇرايدى. ونىڭ ىشىندە 309,2 ملن تەڭگە - گرانتتى رەسپۋبليكالىق بيۋدجەتتەن بىرلەسىپ قارجىلاندىرۋ ەسەبىنەن, 80,1 ملن تەڭگە - گرانت ەسەبىنەن. تۇران جولبارىستارىن قايتا قالپىنا كەلتىرۋ ماقساتىندا رەسەي قازاقستانعا امۋر جولبارىستارى تەگىن بەرەدءى. تۇران جولبارىسىنىڭ پوپۋلياتسياسىنىڭ تىعىزدىعى (جولبارىسقا اڭشىلىق ناتيجەلەرى مەن جانۋارلاردىڭ كەزدەسۋءى تۋرالى جاناما تاريحي دەرەكتەر بويىنشا) امۋر جولبارىسىنىڭ تىعىزدىعىنان ايتارلىقتاي جوعارى بولدى جانە ۇندىستانداعى جولبارىستاردىڭ تىعىزدىعىنا جاقىن. بۇل بالحاش وڭىرىندە كەمىندە 100 جولبارىس پوپۋلياتسياسىن قۇرۋ مۇمكىندىگىن باعالاۋعا مۇمكىندىك بەرەدى, بۇل بۇگىنگى تاڭدا ساقتالعان توپتاردان الدەقايدا كءوپ. سوندىقتان, جولبارىستىڭ بالحاش وڭىرىندە قالپىنا كەلۋى جولبارىستاردى قالپىنا كەلتىرۋ باعدارلاماسىنا ماڭىزدى ۇلەس قوسادى.
كەلەر جىلى 185,1 ملن تەڭگە جۇمساۋ جوسپارلانىپ وتىر. 2026 جىلى رەينترودۋكتسيالانعان جولبارىستاردىڭ سانى 17-گە جەتەءدى دەپ كۇتىلەدى.
2024 جىلى اتالعان ماقساتتارعا 542,8 ملن تەڭگە جۇمسالدى.
ەكولوگيا مينيسترلىگىندە اتاپ وتكەندەي, جوبانىڭ ءوزى جانۋارلاردىڭ جويىلىپ كەتكەن تۇرلەرىن تاريحي مەكەندەۋ ورىندارىنا قايتارۋ ءۇشىن قاجەت. بۇل تاۋ القابىنىڭ تابيعي جانە تاريحي-مادەني مۇراسىن ساقتاۋ مەن ۇتىمدى پايدالانۋ ءۇشىن ورنىقتى نەگىزدى قالىپتاستىرۋعا ءتيىس.
ەستەرىڭىزگە سالا كەتەيىك, تۇران جولبارىستارى قازاقستاندا حح عاسىردىڭ ورتاسىنا دەيىن بولعان. رەسەيلىك جىرتقىشتاردى پايدالانا وتىرىپ, پوپۋلياتسيانى جاڭعىرتۋ يدەياسى بىرنەشە جىلدان بەرى تالقىلانىپ كەلەدى.
بۇل تاقىرىپتى سونداي-اق 2021 جىلى قازاقستان مەن رف پرەزيدەنتتەرى قاسىم-جومارت توقاەۆ پەن ۆلاديمير پۋتين كوتەردى. 2024 جىلدىڭ قىركۇيەگىندە قازاقستانعا نيدەرلاندىدان العاشقى ەكى امۋر جولبارىسى اكەلىندى.
2025 جىلعى ناۋرىزدا ەكولوگيا مينيسترلىگىنىڭ باسشىسى ەرلان نىسانباەۆ رەسەيدەن تاعى ءۇش-ءتورت داراق الۋ جوسپارلانىپ وتىرعانىن حابارلادى. وسىلايشا, ونىڭ ايتۋىنشا, تۇران جىرتقىشىن قالپىنا كەلتىرۋ بويىنشا جوبانى تولىق كولەمدە ىسكە اسىرۋ باستالادى.
