بۇل ەكولوگيالىق باستاما – الماتى وبلىسىنداعى العاشقى ورمان-كليماتتىق جوبانىڭ ءبىر بولىگى. ول توزعان اۋىل شارۋاشىلىعى جەرلەرىن قالپىنا كەلتىرۋگە جانە ءوڭىردىڭ ەكولوگيالىق جاعدايىن جاقسارتۋعا باعىتتالعان.
مەرەكەلىك ءىس-شارالار قوناەۆ قالاسىندا جالعاسىن تاپتى. قالانىڭ شەتىندە جاڭا جاسىل بەلدەۋ ىرگەتاسى قالاندى. جوبانىڭ ماقساتى – كومىرتەك ءىزىن ازايتىپ, تۇراقتى ورمان ەكوجۇيەسىن قالىپتاستىرۋ.
قالا ورتالىعىنداعى الاڭدا ەتنومادەني كورمە ۇيىمداستىرىلدى. قازاق, شەشەن-ينگۋش, كارىس, تاتار-باشقۇرت, ورىس, ۇيعىر, تۇرىك جانە تاجىك دياسپورالارىنىڭ وكىلدەرى ۇلتتىق تاعامدارىن, قولونەر بۇيىمدارىن ۇسىنىپ, «اۋىل شەبەرلەرى» ەتنوايماعىندا شەبەرلىك ساباقتارىن وتكىزدى.
فەستيۆال مەملەكەتتىك انۇرانمەن اشىلدى. الماتى وبلىسىنىڭ اكىمى مارات سۇلتانعازيەۆ جينالعان قاۋىمدى مەرەكەمەن قۇتتىقتادى.
«سىزدەردى قازاقستان حالقىنىڭ بىرلىگى كۇنىمەن شىن جۇرەكتەن قۇتتىقتايمىن! بۇل مەرەكە – دوستىقتىڭ, ءوزارا تۇسىنىستىك پەن كەلىسىمنىڭ نىشانى. «بىرلىك بار جەردە – تىرلىك بار» دەيدى حالقىمىز. ەتنوستار اراسىنداعى اۋىزبىرشىلىك پەن سىيلاستىقتىڭ ارقاسىندا ەلىمىز دامىپ, العا باسىپ كەلەدى. قازاقستاننىڭ باستى جەتىستىگى – ۇلتارالىق كەلىسىم. ءبىز ونى ساقتاپ, نىعايتا ءبىلۋىمىز كەرەك», دەدى ايماق باسشىسى.
مەرەكەنىڭ ماڭىزدى ساتتەرىنىڭ ءبىرى – قازاقستان حالقى اسسامبلەياسىنىڭ 30 جىلدىعىنا ارنالعان مەرەيتويلىق مەدالداردى تابىستاۋ بولدى. بۇل ماراپاتتى 17 ەتنومادەني بىرلەستىكتىڭ بەلسەندى مۇشەسى يەلەندى.
باعدارلاما ۇلتتىق كيىمدەر شەرۋىمەن جانە ب.سوقپاقباەۆ اتىنداعى ساياباقتا وتكەن «بىرلىك جۇگىرۋىمەن» اياقتالدى. 300-گە جۋىق ادام قاتىسقان بۇل سپورتتىق باستاما بىرلىك يدەياسىنىڭ – تەك مادەني قۇندىلىق ەمەس, ءومىر سالتى ەكەنىن ايقىندادى.
