فوتو: مادەنيەت جانە اقپارات مينيسترلىگى
جوبا اياسىندا قازاق ادەبيەتىنىڭ مايدانگەر وكىلدەرىنىڭ تاڭداۋلى تۋىندىلارى دىبىستالعان. تىڭداۋشىلار ەندى باۋىرجان مومىش ۇلىنىڭ «موسكۆا ءۇشىن شايقاس», ءادي ءشارىپوۆتىڭ «پارتيزان قىزى», ديحان ءابىلوۆتىڭ «مايدانبەك», كەمەل توقاەۆتىڭ «سولدات سوعىسقا كەتتى», قاسىم امانجولوۆتىڭ «اقىن ءولىمى تۋرالى اڭىز», تايىر جاروكوۆتىڭ «زويا تۋرالى جىر», تاحاۋي احتانوۆتىڭ «قاھارلى كۇندەر» جانە ءابۋ سارسەنباەۆتىڭ «اقشا بۇلت» سەكىلدى شىعارمالارىن كاسىبي ديكتورلاردىڭ ورىنداۋىندا تىڭداي الادى.
سونداي-اق, ءابدىجامىل نۇرپەيىسوۆتىڭ «كۇتكەن كۇن» جانە قاسىم قايسەنوۆتىڭ «پارتيزان سوقپاقتارى» اتتى تۋىندىلارى دا اۋديوفورماتتا دايىندالىپ جاتىر.
اۋديوجازبالاردى قازاقستان ۇلتتىق ەلەكتروندى كىتاپحاناسى ارقىلى ەركىن تىڭداۋعا بولادى. شىعارمالاردى تانىمال ديكتورلار — مارات بولات ۇلى, قايرات احمەتجانوۆ, شىڭعىس ۇركىمباەۆ, بەكزات سابىر, بەكزات سەيىتمامىت ۇلى جانە باعدات بەكماعامبەتوۆ دىبىستاعان.
مينيسترلىكتىڭ حابارلاۋىنشا, بۇل باستاما – مايدانگەر قالامگەرلەردىڭ ۇلت رۋحانياتىنا قوسقان زور ۇلەسىن ۇلىقتاپ, جاستاردىڭ تاريحي ساناسى مەن پاتريوتتىق رۋحىن نىعايتۋعا باعىتتالعان.
