«باستاپقىدا 10 پايىزدىق ققس ەنگىزۋ جوسپارلانعان بولاتىن. الايدا بۇگىنگى تالقىلاۋلاردان كەيىن ءبىز 2026 جىلدان باستاپ ءدارى-دارمەكتەر مەن مەديتسينالىق قىزمەتتەرگە تومەندەتىلگەن – 5 پايىزدىق ققس مولشەرلەمەسىن بەلگىلەۋ تۋرالى شەشىمگە كەلدىك. مىندەتتى الەۋمەتتىك مەديتسينالىق ساقتاندىرۋ ء(مامس) جانە مەملەكەتتىك تەگىن مەديتسينالىق كومەكتىڭ شەڭبەرىندەگى قىزمەتتەر قوسىمشا قۇن سالىعىنان تولىق بوساتىلادى», دەدى مينيستر ۇكىمەتتە وتكەن بريفينگتە.
ءمينيستردىڭ ايتۋىنشا, ققس-دان بوساتىلاتىن دارىلىك زاتتار مەن مەديتسينالىق قىزمەتتەردىڭ ءتىزىمى جاساقتالادى.
«بۇل – الەۋمەتتىك تۇرعىدان ماڭىزدى پرەپاراتتار ءتىزىمى, ياعني ەڭ ءجيى ساتىپ الىناتىن دارىلەر مەن بۇگىندە جەكە مەديتسينالىق ۇيىمدار كورسەتىپ وتىرعان مەديتسينالىق قىزمەتتەر. مىسالى, پاللياتيۆتىك جانە ونكولوگيالىق كومەك كورسەتۋ دە ققس-دان بوساتىلادى», دەپ تولىقتىردى ا. ءالنازاروۆا.
ەسكە سالايىق, بۇعان دەيىن قازاقستان ۇكىمەتى ققس بازالىق مولشەرلەمەسىن 16 پايىز دەڭگەيىندە بەلگىلەۋدى ۇسىنعان بولاتىن. دەگەنمەن, كەيبىر سالالار ءۇشىن سارالانعان مولشەرلەمە قولدانىلادى.
