فوتو: جوعارعى سوت
سوت بارىسىندا ايىپتالۋشى دارحان اسكەنتايدىڭ سىنىپتاسى مەن تانىستارى كۋالىك ەتتى. سىنىپتاستارىنىڭ ايتۋىنشا, دارحان سابىرلى, ەشقاشان جانجال شىعارمايتىن, توبەلەسكە بەيىم ەمەس ادام رەتىندە سيپاتتالادى. ال 31 جاستاعى ەركەبۇلان توقتارباي وقيعا بولعان كۇنى دارحانمەن بىرگە بولعانىن ايتتى. ونىڭ سوزىنشە, ولار گاز قوندىرعىسىن جوندەۋ ءۇشىن كەزدەسىپ, كەيىن دارحان دۇكەننەن سىرا اكەلىپ, ايدىن ەسىمدى تانىسىمەن ىشكەن. ەركەبۇلاننىڭ ايتۋىنشا, ولار ىشكەنىمەن, ماس بولماعان.
سونداي-اق ەركەبۇلان دارحاندى دۇكەن ماڭىندا قالدىرىپ كەتكەنىن جانە كولىكتە وتىرعان كەزدە دارحان بىرەۋدەن اقشا سۇراعانىن, وعان كومەكتەسكەنىن جەتكىزدى. بولعان جاعداي تۋرالى ول تەك كەلەسى كۇنى الەۋمەتتىك جەلىدەن بىلگەنىن مالىمدەدى.
قورعاۋشىلار كۋاگەرلەردەن دارحان اسكەنتايدىڭ بۇعان دەيىن ۇقساس وقيعالارعا قاتىسى بار-جوعىن سۇراستىردى. الايدا كۋاگەرلەر مۇنداي فاكتىلەر تۋرالى بىلمەيتىنىن ايتتى. بەلگىلى بولعانداي, دارحان وقيعا الدىندا قارجاۋبايدىڭ دۇكەنىنەن سىرا ساتىپ العان. بۇعان دەيىن دە ونىڭ ۇستىنەن قىلمىستىق ءىس قوزعالعانىمەن, سوتقا جەتپەي توقتاتىلعان. قازىرگى ۋاقىتتا ونىڭ رەسمي سوتتىلىعى جوق.
ءىس بويىنشا سوت وتىرىستارى جالعاسۋدا.
