ەندى ەكىنشىسى مامىر ايىندا پايدالانۋعا بەرىلگەلى وتىر. جالپى, زاۋىتتان تاعى ءبىر ەلەكترپويىز شىعادى. سەريالىق قاتارعا ەنگەندە 20 ەلەكترپويىز شىعارۋ كوزدەلگەن.
ەپزد دەپ اتالعان بۇل پويىزدار «Railways Systems KZ» مالىمەتىنە قاراعاندا كەلەسى قۇراممەن شىعادى: ءبىرىنشى پويىز التى ۆاگون, سونىڭ العاشقى ەكەۋى – 3-كلاستى ۋنيۆەرسالدى, دارەتحانالارى بار ۆاگوندار. بۇلاردا جولسەرىكتەرگە دە ارناۋلى كۋپەلەر قاراستىرىلعان. ۇشەۋى 3-كلاستى موتورلى ۆاگوندار جانە بىرەۋى 3-كلاستى موتورسىز ۆاگون. ەكىنشىسى دە التى ۆاگوننان تۇرادى. بىراق مۇندا باسقى ۆاگون بىرەۋ عانا, الايدا ول ساپالى, 1-كلاسقا جاتادى. مۇندا دا جولسەرىكتىڭ كۋپەسى, سانۋزەلدەر قاراستىرىلعان. قالعان ۆاگوندار ءبىرىنشى پويىزدىكىمەن بىردەي.
زاۋىتتاعى پويىز قۇراستىرۋ الاڭى – 900 شارشى مەتر. وسى الاڭدا ەلەكترپويىز قوزعالتقىشتى ورناتىلادى, باسقا دا ونداعان قۇرال-جابدىق, سونىڭ ىشىندە ورىندىقتار مەن جۇكسالعىشتار قۇراستىرىلىپ, ەڭ سوڭىندا تاپسىرىس بەرۋشىگە پويىزدىڭ ءجۇرۋى سىناقتان وتكىزىلەدى. كاسىپورىندا 12 مىڭ شارشى مەتردى قۇرايتىن روبوتتىڭ جۇمىس ىستەۋىنە ارنالعان ەكىنشى ءوندىرىس كورپۋسىن سالۋ دا قولعا الىنعان. وعان تارتىلعان ينۆەستيتسيا كولەمى –
24 ملرد تەڭگە.
پەتروپاۆل
