قىلمىستىق توپتىڭ ارەكەتى سالدارىنان كەلتىرىلگەن جالپى شىعىن 12 ميلليون تەڭگەدەن اسادى.
تەرگەۋ مالىمەتتەرى بويىنشا, كۇدىكتىلەر جەرگىلىكتى تۇرعىندى قىلمىستىق جاۋاپكەرشىلىككە تارتامىز دەپ قورقىتىپ, ونىڭ قولما-قول اقشاسى مەن كولىگىن يەمدەنگەن. جابىرلەنۋشىنى الداۋ ماقساتىندا ولار جالعان قىزمەتتىك كۋالىكتەر مەن پروتسەسسۋالدىق قۇجاتتاردى پايدالانعان.
ءتىنتۋ كەزىندە ءتارتىپ ساقشىلارى كۇدىكتىلەردەن: جالعان قىزمەتتىك كۋالىكتەر, پروتسەسسۋالدىق قۇجاتتاردىڭ بلانكىلەرىن, پوليتسيا فورماسىنىڭ ەلەمەنتتەرىن, وق-دارىلەر مەن سۋىق قارۋلار, ءتۇرلى ەلدەردىڭ مەملەكەتتىك نومىرلەرى مەن بىرنەشە ءمور تاركىلەگەن. ۇستالعانداردىڭ بارلىعى ۋاقىتشا ۇستاۋ يزولياتورىنا قامالدى. اتالعان فاكتى بويىنشا قر قىلمىستىق كودەكسىنىڭ ءتيىستى بابىمەن قىلمىستىق ءىس قوزعالدى. تەرگەۋ جالعاسۋدا.
قۇقىق قورعاۋ ورگاندارى ازاماتتاردى قىراعى بولۋعا شاقىرىپ, بەيتانىس ادامداردان كەلگەن كۇماندى ارەكەتتەرگە تاپ بولعان جاعدايدا بىردەن 102 نومىرىنە حابارلاسۋعا كەڭەس بەرەدى.
