جول جوندەۋ كەزىندە وي-شۇڭقىرلار دەر كەزىندە جابىلمايتىنىنا شاعىمدانعان تۇرعىنداردىڭ تالابىن ەسكەرگەن ەربولات دوساەۆ, موبيلدىلىك باسقارماسىنىڭ باسشىسى ساعىندىق تەلىباەۆقا اتالعان ماسەلەنى ەرەكشە باقىلاۋعا الۋدى تاپسىردى.
«ەگەر اسفالت ويىلسا, ول جۇمىس كۇنىنىڭ سوڭىنا دەيىن قالپىنا كەلتىرىلۋى ءتيىس. رەگلامەنت بار, دەمەك شۇڭقىرلاردى جوندەۋگە جاۋاپتى اۋداندىق اكىمدىكتەر بۇل ماسەلەگە تياناقتى بولۋى كەرەك»,- دەدى ە. دوساەۆ.
كەزدەسۋدە, كەلىسىمشارتتىق مىندەتتەمەلەردە بۇل نورمالار جازىلعانىن, بىراق مەردىگەرلەر اسفالتتىڭ ۋاقىتىندا جەتكىزىلمەگەنىن نەمەسە تەحنيكانىڭ جەتكىلىكسىز ەكەنىن ايتىپ, وسى تالاپتاردى ورىنداي بەرمەيتىنى ءسوز بولدى.
قالا اكىمى, وسىنداي جاعدايلار بويىنشا تۇرعىندار «ە-Otinish», «Open Almaty» اكىمدىگىنىڭ قوعامدىق قابىلداۋى نەمەسە جول ينفراقۇرىلىمىنا ارنالعان Almaty_Joly ارنايى Telegram-ارناسىنىڭ @almatyjolybot چات-بوتى ارقىلى شاعىمدانا الاتىنىن مالىمدەدى.
