پورتالدا كەڭ كولەمدى مالىمەتتەر بازاسى قاراستىرىلعان. سايتتا قازىردىڭ وزىندە 677 مىڭنان استام سوعىس ارداگەرى تۋرالى اقپارات جيناقتالعان. ولاردىڭ قاتارىندا 365 كەڭەس وداعىنىڭ باتىرى, 4 ەكى مارتە كەڭەس وداعىنىڭ باتىرى جانە 19 «داڭق» وردەنىنىڭ كاۆالەرى بار.
سايتتىڭ ينتەرفەيسى قاجەتتى اقپاراتتى وڭاي تابۋعا مۇمكىندىك بەرەدى. سونىمەن قاتار, پايدالانۋشىلار ءوز ارداگەر تۋىستارى تۋرالى دەرەكتەردى قوسا الادى, جاڭالىقتارمەن تانىسا الادى. وسىلايشا, بۇل پورتال – ەرلىكتى دارىپتەپ, تاريحتى بولاشاق ۇرپاققا جەتكىزەتىن جانە باتىرلارعا تاعزىم ەتۋگە ارنالعان زاماناۋي پلاتفورما.
ونلاين-پورتال پايدالانۋشىلارى ءۇشىن كەلەسى مۇمكىندىكتەر قاراستىرىلعان:
-
ءوز تۋىسىنىڭ تاريحىن قوسۋ: ءاربىر ادام سوعىسقا قاتىسقان جاقىندارى تۋرالى ەستەلىكتەرمەن بولىسە الادى.
-
فوتوسۋرەتتەر جۇكتەۋ: قولدانۋشىلار ارداگەر تۋىستارىنىڭ سۋرەتتەرىن پورتالعا جۇكتەي وتىرىپ, ولاردىڭ بەينەسىن ماڭگىلىككە ساقتاۋ مۇمكىندىگىنە يە.
-
جاڭا مالىمەتتەر ەنگىزۋ: ۆەب-پورتال دەرەكقورىندا جوق ارداگەرلەر تۋرالى اقپاراتتى وڭاي قوسۋعا بولادى.
-
باتىرلار گالەرەياسىن قاراۋ: سايتتا كوپتەگەن ارداگەرلەردىڭ ءومىربايانى جيناقتالعان ارنايى گالەرەيا ءبولىمى بار. قولدانۋشىلار بۇل ءبولىم ارقىلى ولاردىڭ ءومىرى مەن ەرلىكتەرى جايلى كەڭىرەك مالىمەت الا الادى.
-
جاڭالىقتارمەن تانىسۋ: پورتال ارداگەرلەر مەن جوباعا قاتىستى جاڭالىقتار مەن وقيعالاردى ۇنەمى جاريالاپ وتىرادى.
ايتا كەتەيىك, جەڭىستىڭ 80 جىلدىعىنا وراي ەلىمىز بويىنشا 200-دەن استام ءتۇرلى ءىس-شارا وتكىزۋ جوسپارلانعان.
