وسىعان وراي «Amanat» پارتياسىنىڭ قاتىسۋىمەن الماتى وبلىسىندا «تازا قازاقستان» اكتسياسى اياسىندا اۋقىمدى ەكولوگيالىق سەنبىلىك ۇيىمداستىرىلدى. 600-گە جۋىق ادام جۇمىلدىرىلعان تازالىق شاراسىنىڭ ناتيجەسىندە وزەن جاعاسىنان 30 توننادان استام قوقىس جينالدى.
جينالعان قالدىقتاردىڭ باسىم بولىگى – پلاستيك, شىنى بوتەلكەلەر, تاعام قالدىقتارى, قۇرىلىستىق, تۇرمىستىق قالدىقتار. ءبىر كۇندىك شارامەن ماسەلە شەشىلمەيدى. «Amanat» پارتياسى بۇل تۇيتكىلدى وبلىستىق ەكولوگيالىق كەڭەستە جۇيەلى تۇردە كوتەرۋدى جوسپارلاپ وتىر. پارتيا باستاماسىمەن تۋريستىك ايماقتارعا ارنايى مارتەبە بەرۋ, قوقىس الاڭدارىن ورناتۋ, بەينەباقىلاۋ ەنگىزۋ, قۇقىق بۇزۋشىلارعا اكىمشىلىك جازا قولدانۋ تەتىكتەرى ۇسىنىلماق.
ء«بىز تابيعات لاستانعاننان كەيىن ەمەس, لاستانباي تۇرىپ ارەكەت ەتۋىمىز كەرەك. قازىر ىلە بويىنداعى جاعداي – ەسكەرۋسىز قالعان اۋماقتىڭ ناقتى كورىنىسى. وزەن جاعاسى قوقىسقا كومىلىپ جاتىر. دەمالۋشىلار ارتىنان ەشتەڭە جينامايدى. قازان-وشاق پەن تاعام قالدىقتارى وزەنگە اعىپ, قورشاعان ورتاعا تىكەلەي زيان كەلتىرىپ وتىر. ەگەر جۇيەلى شەشىم قابىلدانباسا, جاقىن ارادا بۇل جەر قايتادان قالدىق استىندا قالادى. ماسەلە – قوقىستىڭ كولەمىندە ەمەس, جۇيەسىزدىكتە. بۇل اۋماقتا ينفراقۇرىلىم اتىمەن جوق. قوقىس جاشىگى دە, باقىلاۋ دا, جاۋاپتى مەكەمە دە قاراستىرىلماعان», دەدى پارتيانىڭ الماتى وبلىستىق فيليالىنىڭ توراعاسى, وبلىستىق ءماسليحاتتىڭ توراعاسى قۋات بايعوجاەۆ.
بۇل ىسكە ۆولونتەرلەر دە بەلسەنە قاتىستى. «Amanat» پارتياسىنىڭ «جاستار رۋحى» جاستار قاناتىنىڭ توراعاسى مەدەت بەكبەرگەنوۆ: «جالپى, تابيعاتقا جاناشىرلىق – نيەت قانا ەمەس, ناقتى جۇيەلى ساياساتقا اينالۋعا ءتيىس. بۇگىنگى ەكواكتسياعا وبلىس اكىمىنىڭ ءوزى باستاپ, مەملەكەتتىك قىزمەتكەرلەر, ەرىكتىلەر, قوعام بەلسەندىلەرى مەن «Amanat» پارتياسىنىڭ مۇشەلەرى قاتىستى. ۆولونتەرلەر بۇل ماسەلەمەن العاش رەت بەتپە-بەت كەلىپ وتىرعان جوق. بىلتىر ءوز كۇشىمىزبەن وسى اۋماقتان 10 توننادان استام قوقىس جينادىق. بىراق بىزدەن كەيىن تاعى دا ءبارى سول قالپىنا ءتۇستى. بۇل – ءبىر رەتتىك سەنبىلىكپەن شەشىلەتىن ماسەلە ەمەس. تابيعاتتى قورعاۋ جۇيەلى باقىلاۋ مەن ناقتى ينفراقۇرىلىمدى قاجەت ەتەدى. ءبىز قانشا تازالاساق تا, قوقىس تاستاۋدى توقتاتپايىنشا ناتيجە بولمايدى», دەيدى.
ايتا كەتەيىك, ەكولوگيالىق شارالار ىلە وزەنىمەن شەكتەلمەيدى. وبلىستىڭ 373 ەلدى مەكەنىندە 80 مىڭنان استام ادامنىڭ قاتىسۋىمەن 38,9 مىڭ ءتۇپ اعاش وتىرعىزىلىپ, 120 اقپاراتتىق ءتۇسىندىرۋ, 150 سانيتارلىق تازالاۋ شاراسى وتكىزىلدى.
الماتى وبلىسى
