سۋرەت: massaget.kz
گەتەنىڭ «تابيعات» اتتى جازباسى كوكەيگە ءتۇرلى وي سالادى. ء«بىز تابيعاتتىڭ ورتاسىندا ءومىر سۇرسەك تە, وعان بوتەنبىز. ول بىزبەن ۇزدىكسىز سويلەسسە دە, جۇمباعىن اشپايدى. ول ۇلى سۋرەتشى, كىشكەنە قۇبىلىستان ۇلى ۇيلەسىمدىلىك تابۋشى ونىڭ ءار قۇبىلىسى جەكە مانگە يە, سانسىز قۇبىلىستار بىرىگىپ, ءبىر ماقساتقا جۇمىلۋشى».
گەتە تابيعاتتى وسىلايشا سيپاتتايدى. قورشاعان الەمنىڭ ىشىنە ەنىپ, سىرىنا ۇڭىلەدى. اينالانىڭ شۇعىلاسىنا ارىدەن قارايدى. «تابيعات – ماڭگىلىك ءومىر, تولاسسىز قوزعالىس, ول ءبىر مينۋت تا ءۇزىلىستى بىلمەستەن ماڭگىلىك وزگەرىس ۇستىندە. توقتاپ قالۋ تۋرالى وي وندا بولعان ەمەس». ءيا, ماڭگىلىك دامىل تاپپايتىن وسىناۋ عاجايىپتى سەزىنە جىرعا قوسپاعان, شىعارما جازباعان ءسوز يەسى از شىعار.
«ولەڭى قۇرسىن, تاپپادىم ودان مياتتى,
جازباي-اق قويدىم, جازعانىم ەندى ۇياتتى.
مەنسىز دە مىناۋ عالامات جىراۋ دۇنيە,
وزىنەن-ءوزى جىرلانىپ جاتقان سياقتى!»
دەيدى مۇقاعالي.
راسىن دا, مىناۋ شەكسىز دە عالامات تابيعات انامىز وزىنەن-ءوزى ءان سالىپ, جىر وقىپ تۇرعان سەكىلدى. ءبىز ونىڭ ءاردايىم كورەرمەنى, شاكىرتى بوپ قالا بەرەمىز.
