مامىر ايىندا بارلىق مەرەكە اپتا ورتاسىنا ءتۇسىپ وتىر: 1 مامىر – بەيسەنبى, 7 مامىر – ودان كەيىنگى اپتانىڭ سارسەنبىسى, ال 9 مامىر جۇماعا سايكەس كەلەدى. وسىعان بايلانىستى ەڭبەك جانە الەۋمەتتىك قورعاۋ مينيسترلىگى دەمالىس كۇندەرىن اۋىستىرۋ تۋرالى شەشىم قابىلداۋى مۇمكىن.
«قازاقستان رەسپۋبليكاسىنداعى مەرەكەلەر تۋرالى» زاڭنىڭ 3-بابىنا سايكەس 2025 جىلى قازاقستاندىقتار ءۇش مەرەكەنى تويلايدى:
- قازاقستان حالقىنىڭ بىرلىگى كۇنى – 1 مامىر (بەيسەنبى);
- وتان قورعاۋشى كۇنى – 7 مامىر (سارسەنبى);
- جەڭىس كۇنى – 9 مامىر (جۇما).
وسىلايشا, قازاقستاندىقتار:
بەس كۇندىك جۇمىس اپتاسى بويىنشا: 1 مامىردا دەمالادى, 2 مامىر – جۇمىس كۇنى, 3 جانە 4 مامىر – كۇنتىزبەلىك دەمالىس كۇندەرى, 5 جانە 6 مامىر – جۇمىس كۇندەرى, 7 مامىر – مەرەكەلىك دەمالىس كۇنى, 8 مامىر – جۇمىس كۇنى, 9, 10, 11 مامىر – مەرەكەلىك دەمالىس كۇندەرى.
التى كۇندىك جۇمىس اپتاسى بويىنشا: 1 مامىر – مەرەكەلىك دەمالىس, 2 جانە 3 مامىر – جۇمىس كۇندەرى, 4 مامىر – دەمالىس كۇنى, 5 جانە 6 مامىر – جۇمىس كۇندەرى, 7 مامىر – مەرەكەلىك دەمالىس كۇنى, 8 مامىر – جۇمىس كۇنى, 9 مامىر – دەمالىس, 10 مامىر – جۇمىس, 11 مامىر – كۇنتىزبەلىك دەمالىس كۇنى.
دەگەنمەن مامىردا كاسىبي جانە باسقا مەرەكەلەر اتالىپ وتەدى. جۇمىس كۇندەرىنە قاراماستان, ول مەرەكەلەردى قاتىسى بار كاسىپ يەلەرى اتاپ وتەدى.
كاسىبي مەرەكەلەردىڭ ءتىزىمى قر ەڭبەك جانە الەۋمەتتىك قورعاۋ ءمينيسترى مىندەتىن اتقارۋشىنىڭ 2023 جىلعى 17 قاراشاداعى №480 بۇيرىعىنىڭ رەداكتسياسىندا جاريالانعان جانە ونىڭ العاشقى رەسمي جاريالانعان كۇنىنەن باستاپ كۇشىنە ەنگەن.
17 مامىر – بايلانىس قىزمەتكەرلەرى كۇنى;
21 مامىر – مادەنيەت جانە ونەر قىزمەتكەرلەرى كۇنى;
25 مامىر (مامىر ايىنىڭ سوڭعى جەكسەنبىسى) – حيميالىق ونەركاسىپ قىزمەتكەرلەرى كۇنى.
