بۇگىن قاراعاندى قالاسىنىڭ «الاش» ساياباعىندا جۇزدەن استام اعاش ەگىلدى. ەرىكتىلەر, جاس بەلسەندىلەر, قالالىق ءماسليحات دەپۋتاتتارى, بيزنەس-قوعامداستىق وكىلدەرى, قوعام قايراتكەرلەرى مەن كوممۋنالدىق سالا قىزمەتكەرلەرى قاتىستى.
– «الاش» ساياباعى – قالانىڭ ماڭىزدى قوعامدىق كەڭىستىكتەرىنىڭ ءبىرى, وسىنداي باستامالاردىڭ ارقاسىندا ول جايلى ءارى كوگالدانىپ كەلەدى. ەكولوگيانى قولداۋ – ءبىزدىڭ ورتاق مىندەتىمىز, – دەيدى قالالىق ءماسليحات دەپۋتاتى نۇرلان اۋباكىروۆ.
قاراعاندى قالاسىنىڭ كاسىپكەرلەر قاۋىمداستىعىنىڭ باسشىسى سەرىك ساناۋباەۆ مۇنداي اكتسيالار قورشاعان ورتاعا جاۋاپكەرشىلىكتى قالىپتاستىراتىنىنا سەنىمدى.
ساراندا ءۇش مىڭنان استام وقۋشى ءبىلىم بەرۋ اللەياسى مەن مەكتەپ جانىنداعى اۋماقتاردى اباتتاندىرۋعا شىقتى. الدىمەن قوقىس, ەسكى جاپىراقتار مەن بۇتاقتار جينالىپ, پەتۋنيالار مەن 600-گە جۋىق قايىڭ كوشەتتەرى ەگىلدى.
اكتسيانىڭ جاس قاتىسۋشىلارى كوگالداندىرۋعا ارنالعان گۇل كوشەتتەرىن مەكتەپ جىلىجايىندا وزدەرى وسىرگەن. №17 مەكتەپ-گيمنازياسىنىڭ وقۋشىلارى ءوز ەڭبەكتەرىنىڭ جەمىسىن كورسەتتى.
ال اباي اتىنداعى مەكتەپتىڭ وقۋشىلارى «قىسقى باق» ۇيىرمەسىنىڭ قىزمەتى تۋرالى اڭگىمەلەپ, گيدروپونيكا – توپىراقسىز وسىمدىكتەردى ءوسىرۋدىڭ زاماناۋي ءادىسى سالاسىنداعى بىلىمدەرىمەن ءبولىستى.
قاراعاندى تۇرعىندارى اۋلالارىن كوگالداندىرۋدا. ەندى ورتالىق مادەنيەت جانە دەمالىس ساياباعىندا الما باعى بولادى. مۇندا بەس مىڭ كوشەت ەگىلىپ جاتىر.
قاراعاندى وبلىسىنىڭ بارلىق قالالارى مەن اۋداندارىندا اعاش, بۇتا جانە گۇل كوشەتتەرى ەگىلەدى.
قاراعاندى وبلىسى
