فوتو: اشىق دەرەككوز
جاڭا جي-اگەنتتىڭ باستى ماقساتى – گازعا قوسىلۋعا ارنالعان وتىنىمدەردى دۇرىس تولتىرۋعا جاردەمدەسۋ. ۆيتسە-ءمينيستردىڭ ايتۋىنشا, قولدانىستاعى جۇيەدە ءوتىنىم بەرۋشىلەر تاراپىنان ءجيى قاتەلىكتەر جىبەرىلىپ, تەحنيكالىق شارتتاردى الۋ ۇزاققا سوزىلىپ جاتادى. جي كومەگىمەن مۇنداي ولقىلىقتار بارىنشا ازايىپ, قاتەلەر سانى قازىرگى 30 پايىزدان نەبارى 5 پايىزعا دەيىن تومەندەيدى دەپ كۇتىلەدى. بۇل رەتتە تەحنيكالىق شارتتاردى الۋ ۋاقىتى دا ەداۋىر قىسقارادى.
اتالعان جوبا 2025–2026 جىلدار ارالىعىندا كەزەڭ-كەزەڭىمەن ىسكە اسىرىلادى. جوبا ىسكە قوسىلعاننان كەيىن, ول ەلىمىز بويىنشا 2,3 ميلليوننان استام ادامدى قامتىپ, گاز ينفراقۇرىلىمىنا قوسىلۋدى اناعۇرلىم جەڭىل ءارى قولجەتىمدى ەتەدى.
بۇگىندە گاز سالاسىندا 74 ءتۇرلى مەملەكەتتىك قىزمەت تولىق تسيفرلاندىرىلعان. بۇل ازاماتتار مەن بيزنەس وكىلدەرىنىڭ ۋاقىتىن ۇنەمدەپ, بيۋروكراتيالىق كەدەرگىلەردى ازايتادى.
سونىمەن قاتار, «Astana Hub» تەحنوپاركى اياسىندا گاز سالاسىن جاڭعىرتۋعا باعىتتالعان 14 يننوۆاتسيالىق جوبا ىسكە اسىرىلىپ جاتىر. ولاردىڭ قاتارىندا:
- جاساندى ينتەللەكتپەن جابدىقتالعان ۆيرتۋالدى كەن ورنى ترەناجەرلەرى;
- كومپرەسسورلىق قوندىرعىلاردى باقىلاۋ جۇيەلەرى;
- تسيفرلىق ەگىزدەر تەحنولوگياسى;
- ينسپەكتسياعا ارنالعان دروندار جانە بيزنەس-پروتسەستەردى اۆتوماتتاندىرۋعا ارنالعان پلاتفورمالار بار.
ايتا كەتەيىك, 2024 جىلدىڭ وزىندە بۇل جوبالار 1,2 ميلليارد تەڭگە تابىس اكەلسە, جالپى باستالعاننان بەرى 3,8 ميلليارد تەڭگەدەن استام كىرىس تۇسىرگەن. سونىمەن بىرگە, 100-گە جۋىق جاڭا جۇمىس ورنى اشىلىپ, سالانىڭ تسيفرلىق ترانسفورماتسياسى قارقىن الىپ جاتىر.
