بيىل قازاقستان قۇراماسى جالپى التى ماراپات يەلەنىپ, ەلىمىز ءۇشىن رەكوردتىق ناتيجەگە قول جەتكىزدى. قاراعاندىدان بولەك, ەلوردالىق, الماتىلىق جانە پاۆلودارلىق جاس ينجەنەرلەر دە جوعارى جەتىستىكتەرگە جەتتى. مۇنداي دەڭگەيدەگى ناتيجە – قازاقستان تاريحىنداعى العاشقى جەتىستىك بولىپ وتىر.
«مۇراگەر» مامانداندىرىلعان مەكتەپ-ليتسەي-ينتەرناتىنىڭ Jeltoqsun كومانداسى روبوتتار ويىنى بويىنشا 258 كوماندانىڭ ىشىنەن ۇزدىك جيىرمالىققا ەندى. ال وسى مەكتەپتىڭ تاعى ءبىر كومانداسى Core Values Coopertition Winner نوميناتسياسىنىڭ چەمپيونى اتاندى», دەپ سۇيىنشىلەدى وبلىستىڭ ءبىلىم باسقارماسىنىڭ ءباسپاسوز قىزمەتى.
بيىلعى چەمپيوناتقا الەمنىڭ 110 ەلىنەن كەلگەن 50 مىڭنان استام وقۋشى قاتىستى. ولاردىڭ بارلىعى عىلىم, تەحنولوگيا, ينجەنەريا جانە ماتەماتيكا سالاسىنداعى بىلىمدەرىن ورتاعا سالىپ, يننوۆاتسيالىق جوبالارىن قورعادى.
ايتا كەتەيىك, وتكەن جىلى قازاقستاندىق وقۋشىلار الەمدىك وليمپيادالاردا جەڭىسكە جەتكەنى ءۇشىن 5,5 ميلليون تەڭگە كولەمىندە قارجىلاي سىياقى العان بولاتىن. بيىلعى ناتيجەلەر – ەلىمىزدىڭ ءبىلىم بەرۋ سالاسىندا جۇيەلى دامۋ مەن جاس بۋىننىڭ عىلىمعا قىزىعۋشىلىعى ارتىپ كەلە جاتقانىنىڭ ايقىن دالەلى. قازاقستاننىڭ جاس ونەرتاپقىشتارى مەن ينجەنەرلەرىنىڭ الەمدىك دەڭگەيدە مويىندالۋى – بولاشاقتاعى ءىرى جاڭالىقتار مەن جەتىستىكتەردىڭ باستاۋى ەكەنى ايقىن.
