فوتولار: Oqu-agartu ministrligi
وقۋ-اعارتۋ مينيسترلىگىنىڭ ءباسپاسوز قىزمەتىنىڭ مالىمدەۋىنشە قازاقستان نامىسىن 7 كوماندا قورعادى. جوعارى ساناتتا (12-18 جاس) الماتى قالاسىنداعى نازارباەۆ زياتكەرلىك مەكتەبىنىڭ PID كومانداسى ەلىمىز تاريحىندا تۇڭعىش رەت جارىستىڭ فينالىنا ءوتىپ, ەكى ماراپات يەلەندى – Motivate Award Winner جانە Division Finalist Award. اتالعان مەكتەپتىڭ CRISTABOL كومانداسى تەحنيكالىق جانە تەحنيكالىق ەمەس داعدىلاردىڭ ۇزدىك ۇيلەسىمى ءۇشىن بەرىلەتىن ەڭ بەدەلدى ماراپات – INSPIRE Award-تى جەڭىپ الدى.
Sana Team (الماتىداعى ءبىلىم-يننوۆاتسيا ليتسەيى) جانە Jeltoqsun (قاراعاندىداعى «مۇراگەر» مەكتەبى) كوماندالارى روبوتتار ويىنى بويىنشا 258 كوماندانىڭ ىشىنەن توپ-20 قاتارىنا ەندى.
ورتا ساناتتا (10-16 جاس) – FIRST LEGO League Challenge تۋرنيرىندە استانا قالاسىنداعى «Skillset» مەكتەبىنىڭ SKILLSET كومانداسى Champions Award نوميناتسياسى بويىنشا فيناليست اتاندى. قاراعاندىداعى «مۇراگەر» مەكتەبىنىڭ RASSLEXX كومانداسى Coopertition Award Winner ماراپاتىن جەڭىپ الدى.
كىشى ساناتتا (6-10 جاس) – FIRST LEGO League Explore بويىنشا پاۆلودار قالاسىنداعى «ساتۋرن» مەكتەبىنىڭ ATLANTIS كومانداسى Team Model Award ماراپاتىنا يە بولدى.
ايتا كەتسەك, قازاقستان اتالعان چەمپيوناتقا نەبارى 5 جىلدان بەرى عانا قاتىسىپ كەلەدى ەكەن.
