وبلىس اكىمى نۇرلىبەك نالىباەۆ قاتىسۋشىلارعا ساتتىلىك تىلەپ, ءوڭىر سپورتىن دامىتۋ باعىتىنداعى جۇمىستارعا توقتالدى.
«سىر وڭىرىندە سوڭعى ءۇش جىلدا 18 سپورت كەشەنى سالىنىپ, ىسكە قوسىلدى. وتكەن جىلى «سامۇرىق قازىنا تراست» قورىمەن بىرگە قۇنى 3 ملرد. 400 ملن تەڭگە بولاتىن «ۇستەل تەننيسى ورتالىعى» سالىنىپ, قولدانىسقا بەرىلدى. وبلىس ورتالىعىندا حالىقارالىق ستاندارتتارعا ساي 11 مىڭ ورىندىق ورتالىق ستاديون سالىنىپ جاتى. «قىزىلوردا ارەنا» كوپبەيىندى سپورت كەشەنىنىڭ قۇرىلىسى باستالدى. «قازاقستان حالقىنا» قورىنىڭ قولداۋىمەن بوي كوتەرى كەلە جاتقان كوپسالالى دەنەشىنىقتىرۋ-ساۋىقتىرۋ كەشەنى جىل سوڭىنا دەيىن پايدالانۋعا بەرىلەدى. الداعى مامىر ايىندا بىرقاتار سپورتتىق ۇيىرمەنى قوسا قامتيتىن «شىعارماشىلىق اكادەمياسى» اشىلادى», دەدى ن. نالىباەۆ.
سالتاناتتى اشىلۋ راسىمىندە تۋريزم جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ توراعاسى رۋسلان ەسەنالين, باتىردىڭ ۇرپاعى ارداشەر شايىمبەتوۆ ءسوز سويلەدى.
جارىستىڭ قادىرلى قوناعى, قىرعىزدىڭ اتاقتى بالۋانى, الەمنىڭ ەكى, ازيانىڭ ءۇش دۇركىن چەمپيونى, وليمپيادانىڭ كۇمىس جانە قولا مەدالدارىنىڭ يەگەرى اقجول ماحمۋدوۆقا شاپان جاۋىپ, قۇرمەت تانىتتى.
كەڭەس وداعىنىڭ باتىرى تايىمبەت كومەكباەۆتىڭ ەسىمىن ۇرپاق جادىندا قالدىرۋ ماقساتىندا جىل سايىن ءتۇرلى شارالار وتكىزىلىپ كەلەدى. بيىلعى ەسكە الۋ شاراسىنىڭ ەرەكشەلىگى – گرەك-ريم كۇرەسىنەن حالىقارالىق تۋرنير تۇڭعىش رەت ۇيىمداستىرىلىپ وتىر. وسى جىلدان باستاپ جارىس وبلىس اكىمدىگىنىڭ قولداۋىمەن حالىقارالىق دەڭگەيدە وتكىزىلەدى.
