پرەزيدەنتتىڭ سوزىنشە, وبلىستا ەكىدەن التى جاسقا دەيىنگى بالالاردىڭ 93,9 پايىزى بالاباقشاعا بارادى, ياعني, 46 مىڭ بالا. بىراق ورىن تاپشىلىعى ءالى جويىلعان جوق. 3,5 مىڭعا جۋىق بالا كەزەكتە تۇر.
ء«بىلىم ساپاسىنا قاتىستى تۇيتكىلدەر بار. بىلتىر مەكتەپتەگى ءبىلىم دەڭگەيىن باعالاۋ ءۇشىن وبلىستا ارنايى تەست وتكىزىلدى. وعان قاتىسقان بالالاردىڭ 37 پايىزىنىڭ ءبىلىمى تومەن ەكەنى انىقتالدى. بىلتىرعى ۇلتتىق بىرىڭعاي تەستىلەۋدىڭ ناتيجەلەرى دە ءماز ەمەس. 1,5 مىڭعا جۋىق بالا, ياعني, 20 پايىزى وقۋعا تۇسۋگە قاجەتتى ەڭ تومەنگى بالدىڭ ءوزىن جيناي الماعان. بۇل – ەلىمىزدەگى ەڭ ناشار كورسەتكىشتىڭ ءبىرى. بيىل قاڭتار ايىنداعى تەستىلەۋگە 8 مىڭنان استام وقۋشى قاتىسقان. ونىڭ ۇشتەن ءبىرى شەكتى كورسەتكىشتەن وتە الماعان», دەدى ق. توقاەۆ.
سونىمەن قاتار مەملەكەت باسشىسى وبلىستا ءۇش اۋىسىمدى مەكتەپتەردىڭ ءالى شەشىمىن تاپپاعانىن سىنعا الىپ, «سامۇرىق-قازىنا» قورى وبلىس اكىمدىگىمەن بىرلەسىپ, جايلى مەكتەپتەردىڭ قۇرىلىسىن تەزدەتۋى قاجەت ەكەنىن اتاپ ءوتتى.
