بۇل شەكتەۋ شارالارى قر اۋىل شارۋاشىلىعى مينيسترلىگىنىڭ بالىق شارۋاشىلىعى كوميتەتى ۇيىمداستىرىپ وتىرعان جىلداعى «ۋىلدىرىق شاشۋ» بالىق قورعاۋ اكتسياسى اياسىندا جۇزەگە اسىپ وتىر. اتاپ ايتقاندا, زايسان كولىندە جانە قاراقاستان ءبىرىنشى باتين شوقىسىنا دەيىنگى بۇقتىرما سۋ قويماسىنىڭ كول-وزەن بولىگىندە 16-ساۋiردەن 30-مامىرعا دەيىن, ءبىرىنشى باتين شوقىسىنان بۇقتىرما سۋ قويماسىنا دەيiن بۇقتىرما سۋ قويماسىنىڭ تەرەڭ بولىگىندە 1-مامىردان 15 ماۋسىمدى قوسا العانداعى ارالىقتا بالىق اۋلاۋعا تىيىم سالىنادى.
بۇعان قوسا, وسكەمەن سۋ قويماسىندا, ەرتىس وزەنى وسكەمەن سۋ ەلەكتر ستانساسىنان ءشۇلبى سۋ قويماسىنا دەيىن 10-مامىردان 10-ماۋسىمدى قوسا العانداعى, ءشۇلبى سۋ قويماسىندا, ەرتىس وزەنىندە ءشۇلبى سەس-نان پاۆلودار وبلىسىنىڭ اكىمشىلىك شەكاراسىنا دەيىن 16-ساۋىردەن 30-مامىر ارالىعىندا بالىق اۋلاۋعا بولمايدى. بۇل شەكتەۋلەر تابيعي كوبەيۋ ۇدەرىسىن ساقتاۋ ءۇشىن ەنگىزىلىپ وتىر.
مۇنداي كەشەندى شارالار قازاقستانداعى بالىق شارۋاشىلىعىن جۇيەلى دامىتۋعا باعىتتالعان مەملەكەتتىك ساياساتپەن تىعىز بايلانىستى. سەبەبى, تابيعي سۋ ايدىندارىنداعى بالىق قورى شەكتەۋلى بولعاندىقتان, قازىرگى تاڭدا مەملەكەت پەن سالا ماماندارى جاساندى بالىق وسىرۋگە بەت بۇرىپ وتىر.
وسى ماقساتتا 2021–2030 جىلدارعا ارنالعان بالىق شارۋاشىلىعىن دامىتۋ باعدارلاماسى قابىلدانىپ, ناتيجەسىندە كوپتەگەن شارۋاشىلىقتار اكۆا وسىرۋمەن اينالىسا باستادى. ماسەلەن, 2024 جىلدىڭ وزىندە ەرتىس باسسەينىندە 2671 توننا تاۋارلىق بالىق وندىرىلگەن. بۇل كورسەتكىش جىلدان جىلعا ارتىپ كەلەدى.
سونىمەن قاتار, بالىق شارۋاشىلىعىمەن اينالىساتىن كاسىپ يەلەرىنە قارجىلاي قولداۋ كورسەتىلىپ كەلەدى. اۋىل شارۋاشىلىعى مينيسترلىگىنىڭ شەشىمىمەن جاڭا جوبالارعا نەمەسە قولدانىستاعىلاردى كەڭەيتۋگە ارنالعان كرەديتتەر جىلدىق 2,5% مولشەرىمەن 10 جىلعا دەيىنگى مەرزىمگە بەرىلەدى. بۇدان بولەك, ازىق, شاباق, دارىلىك پرەپاراتتار, انالىق بالىق ءۇيىرى سياقتى قاجەتتى رەسۋرستاردى ساتىپ الۋعا كەتكەن شىعىنداردىڭ 30-50%-ىنا دەيىنگى بولىگى سۋبسيديالانادى.
ينۆەستيتسيالىق جوبالارعا قولايلى جاعداي جاساۋ ماقساتىندا ارنايى سۋ ايدىندارى مەن ۋچاسكەلەردى بەكىتىپ بەرۋ ءتارتىبى دە قاراستىرىلعان. وسىلايشا, تابيعي جانە جاساندى سۋ قويمالارىندا تورلى قورشاۋلار ورناتۋ ارقىلى بالىق ءوسىرۋ كەڭىنەن دامىپ كەلەدى.
شىعىس قازاقستان وبلىسى
