قازىرگى كەزدە Hyundai Trans Kazakhstan جەڭىل اۆتوكولىكتەرىن وندىرەتىن تولىق تسيكلدى زاۋىت اۋقىمدى جاڭعىرتۋ باعدارلاماسىن اياقتاپ, ناتيجەسىندە ەڭبەك ونىمدىلىگىن ايتارلىقتاي ارتتىرۋعا جانە ءوندىرىستىڭ وقشاۋلاۋ دەڭگەيىن تەرەڭدەتۋگە مۇمكىندىك بەرەتىن دانەكەرلەۋ, بوياۋ جانە جيناقتاۋ تسەحتارىنا روبوتتاندىرىلعان ۋچاسكەلەر ىسكە قوسىلدى.
Hyundai Trans Kazakhstan ديرەكتورىنىڭ ءوندىرىس جونىندەگى ورىنباسارى ەربول قاسىمقانوتىڭ ايتۋىنشا, زاۋىتتا 11 ونەركاسىپتىك روبوت ورناتىلىپ, وندىرىستىك جەلىلەر كەڭەيتىلدى, جۇمىس ورىندارىنىڭ سانى ارتتى. بيىل كاسىپورىن قىزمەتكەرلەر سانىن 1600 ادامعا جەتكىزۋ كوزدەلىپ وتىر.
جالپى اۋدانى 100 مىڭ شارشى مەتردى قۇرايتىن اۆتوكومپونەنتتەر تەحنوپاركى اۆتوكولىك ورىندىقتارىن شىعاراتىن زاۋىت, مۋلتيمەديالىق جۇيەلەر زاۋىتى جانە لوگيستيكالىق حاب سياقتى ءۇش نەگىزگى نىساننان تۇرادى.
بۇگىندە قالانىڭ ءاۆتووندىرىس كلاستەرىن دامىتۋعا سالىنعان ينۆەستيتسيا كولەمى 64 ملرد تەڭگەدەن استى. بۇل وتاندىق اۆتوونەركاسىپتىڭ تۇراقتى ەكوجۇيەسىن قالىپتاستىرۋعا, جاڭا جۇمىس ورىندارىن اشۋعا, شاعىن جانە ورتا بيزنەستى دامىتۋعا, سونداي-اق بىلىكتى ينجەنەر مامانداردى دايارلاۋعا زور سەرپىن بەرەتىنى انىق. اۆتوونەركاسىپتى دامىتۋ ەلىمىزدى يندۋستريالاندىرۋدىڭ باسىم باعىتتارىنىڭ ءبىرى. زاماناۋي جوبالاردى جۇزەگە اسىرۋ ەلىمىزدىڭ ونەركاسىپتىك الەۋەتىن نىعايتىپ, تەحنولوگيالىق ىلگەرىلەۋگە جول اشادى.
الماتى
