ماراپات العانداردىڭ قاتارىندا بەلگىلى قوعام قايراتكەرلەرى, ەلدەگى ەتنوسارالىق كەلىسىمدى دامىتۋعا ۇلەس قوسقان اسسامبلەيا ارداگەرلەرى بار. وتىرىستا ءسوز سويلەگەندەر اسسامبلەيانىڭ سوڭعى وتىز جىلدا حالىق ديپلوماتياسى مەن ديالوگتىڭ پارمەندى ينستيتۋتىنا اينالعانىن, «ارالۋاندىقتاعى بىرلىك» قاعيداتىن نىعايتىپ, جاھاندىق سىن-قاتەر جاعدايىندا تۇراقتىلىقتىڭ نەگىزى بولىپ وتىرعانىن اتاپ ءوتتى.
«مەملەكەت باسشىسى اسسامبلەيانىڭ حالىقتىق ديپلوماتيانىڭ بىرەگەي ينستيتۋتى رەتىندە ماڭىزدىلىعىن ءاردايىم اتاپ وتەدى. 1995 جىلعى 1 ناۋرىزدا الماتىدا – قازاقستان تاۋەلسىزدىگىنىڭ بەسىگى سانالعان قالادا – قازاقستان حالقى اسسامبلەياسىن قۇرۋ تۋرالى قازاقستان پرەزيدەنتىنىڭ جارلىعىنا قول قويىلدى. ءدال وسى قالامىزدا كەيىننەن مەملەكەتتىك ساياساتتىڭ ءبىر بولىگىنە اينالعان جانە ەلدىڭ تۇراقتىلىعى مەن دامۋىنىڭ باستى فاكتورىنا اينالعان ۇلتارالىق كەلىسىم مەن بىرلىكتىڭ بىرەگەي قازاقستاندىق ۇلگىسىنىڭ ىرگەتاسى قالاندى», دەدى الماتى قالاسىنىڭ اكىمى ەربولات دوساەۆ.
ماراپاتتالعانداردىڭ اتىنان قاتىسۋشىلار جوعارى مەملەكەتتىك باعا ءۇشىن العىس ايتىپ, بەيبىتشىلىك, بىرلىك جانە ازاماتتىق بىرەگەيلىكتى نىعايتۋ جولىنداعى جۇمىس جالعاسا بەرەتىنىن جەتكىزدى. بايانداماشىلار سوزىندە ۇلتارالىق سەنىم, تاريحي ريزاشىلىق پەن رۋحاني بىرلىك قۇندىلىقتارىنا ەرەكشە نازار اۋداردى.
بۇدان كەيىنگى دامۋدىڭ ماڭىزدى باعىتى – ەتنومادەني بىرلەستىكتەرگە ارنالعان زاماناۋي ينفراقۇرىلىمدى قالىپتاستىرۋ بولماق. الماتى قالاسىنىڭ اكىمى ەربولات دوساەۆ شاھاردا جاڭا دوستىق ءۇيىن سالۋ جوسپارى بار ەكەنىن مالىمدەدى.
سونداي-اق, الماتىدا قالالىق قحا قولداۋىمەن ءتورت ۇلتتىق تەاتر مەن جەتى ەتنوستىق باق رەداكتسياسى تابىستى جۇمىس ىستەپ جاتىر. بۇل تىلدەر مەن مادەنيەتتى ساقتاپ, ۇلتارالىق ديالوگتى نىعايتۋعا ىقپال ەتەدى.
الماتى
