«مەملەكەت باسشىسى قازاقستان حالقىنا جولداۋىندا مەملەكەتتىك اپپاراتتى بيۋروكراتيادان ارىلتۋدى باستى باسىمدىقتاردىڭ ءبىرى رەتىندە اتادى. بۇل – مەملەكەتتىك ورگانداردىڭ تيىمدىلىگىن ارتتىرۋعا باعىتتالعان ماڭىزدى قادام. پرەزيدەنت ارتىق قۇجات اينالىمىن قىسقارتىپ, باسشىلاردىڭ جاۋاپكەرشىلىگىن كۇشەيتۋگە شاقىردى. وسىنى ىسكە اسىرۋعا ارنالعان زاڭ جوباسى ۇساق ءارى ءجيى وزگەرىستەردى بولدىرماس ءۇشىن ەگجەي-تەگجەيلى نورمالاردى قىسقارتۋعا باعىتتالعان. بۇل ادامي رەسۋرستاردى ءتيىمدى پايدالانۋعا جول اشادى», دەيدى دەپۋتات.
بۇعان قوسا ول مەملەكەتتىك بيۋدجەتتى ارتىق شىعىنداردان ساقتاۋ كەرەكتىگىن جەتكىزدى.
«زاڭ جوباسىندا اكىمشىلىك جازالاردى ورىنداۋ جۇيەسىندەگى ناقتى ماسەلەلەر دە قامتىلعان. سولاردىڭ ءبىرى – ارنايى قابىلداۋ مەكەمەلەرىندە ورىن جەتىسپەۋى. قازىر بۇل مەكەمەلەردە جۇكتەمە اسا جوعارى. ال كەيبىر وڭىرلەردەگى قابىلداۋ ورىندارى شالعايدا ورنالاسقاندىقتان لوگيستيكالىق قيىندىقتار تۋىنداتۋدا. سونىمەن قاتار ماتەريالدىق-تەحنيكالىق بازانىڭ ەسكىرۋى سوت اكتىلەرىنىڭ ورىندالۋىنا كەدەرگى كەلتىرۋدە. زاڭ جوباسى اكىمشىلىك قاماۋعا الىنعانداردى ۋاقىتشا ۇستاۋ ءۇشىن قولدانىستاعى قابىلداۋ-تاراتۋ مەكەمەلەرىن پايدالانۋدى ۇسىنادى. بۇل جۇيەگە تۇسەتىن سالماقتى مەملەكەتتىك بيۋدجەتتەن قوسىمشا شىعىنسىز شەشۋدى كوزدەيدى», دەدى ن. بايتىلەسوۆ.
