«دامۋ» كاسىپكەرلىكتى دامىتۋ قورى فيليالىنىڭ ديرەكتورى جاندوس نۇرعازينوۆ, قولداۋعا يە بولعان جوبالاردىڭ 85%-ى ميكرو جانە شاعىن بيزنەس سالالارىنا تيەسىلى ەكەنىن اتاپ ءوتتى.
«قور قولداعان كاسىپورىندار بۇكىل كەزەڭ ىشىندە 16 619,9 ملرد تەڭگەگە ءونىم ءوندىرىپ, ال تولەنگەن سالىق كولەمى 1 242,5 ملرد تەڭگەنى قۇرادى. 140 مىڭنان استام جۇمىس ورنى ساقتالىپ, جاڭادان اشىلدى. وسىلايشا, سالىنعان ءاربىر 1 تەڭگە 5 تەڭگە مولشەرىندە سالىق رەتىندە قايتارىلادى. سونىمەن بىرگە قور شاعىن جانە ورتا كاسىپكەرلىك سۋبەكتىلەرىن قولداۋعا باعىتتالعان بىرقاتار قۇرالداردى ۇسىنادى. ولاردىڭ قاتارىندا باسىم باعىتتار بويىنشا 200 ملن تەڭگەگە دەيىنگى نەسيەلەرگە پايىزدىق مولشەرلەمەنى سۋبسيديالاۋ, كەپىلدىك بەرۋ, جەڭىلدەتىلگەن نەسيەلەۋ جانە جوبالاردىڭ تيىمدىلىگىن باقىلاۋ بار. قولداۋ الۋ ءۇشىن كاسىپكەر بانككە ءوتىنىم تاپسىرىپ, ماقۇلداۋدان ءوتىپ, قاجەتتى قۇجاتتاردى «دامۋ» قورىنا ۇسىنادى. كەيىن بانكپەن جانە قور وكىلدەرىمەن ءۇش جاقتى كەلىسىمشارتقا قول قويىلادى», دەيدى ج.نۇرعازينوۆ.
جاۋاپتىلاردىڭ ايتۋىنشا, قالا اكىمدىگىمەن بىرلەسىپ ىسكە اسىرىلاتىن «Almaty Business/Jana Business» باعدارلاماسىنا ەرەكشە نازار اۋدارىلماق. باعدارلاما اياسىندا شوب وكىلدەرىنە جىلدىق 7% مولشەرلەمەمەن, 7 جىلعا دەيىنگى مەرزىمگە جانە 100 ملن تەڭگەگە دەيىنگى سوماعا نەسيە بەرۋ ۇسىنىلادى. 2015 جىلدان باستاپ باعدارلاماعا 32,5 ملرد تەڭگە باعىتتالعان بولسا, اعىمداعى جىلى تاعى 3 ملرد تەڭگە ءبولۋ جوسپارلانىپ جاتىر.
باعدارلاما اياسىندا 852 كاسىپكەرگە قولداۋ كورسەتىلىپ, جالپى سوماسى 124,9 ملرد تەڭگەگە نەسيە بەرىلگەن. سونىڭ ناتيجەسىندە 1 214 ملرد تەڭگەنىڭ ءونىمى ءوندىرىلىپ, بيۋدجەتكە 100,7 ملرد تەڭگە سالىق تۇسكەن.
الماتى
