فوتو: Pavlodarnews.kz (ارحيۆ)
پاۆلودار وبلىستىق سوتىنىڭ ءباسپاسوز قىزمەتى بۇگىن ءتورت قۇتقارۋشىنىڭ ءومىرىن قيعان اپاتقا كىنالى تۇلعالارعا قاتىستى الدىن الا سوت وتىرىسى بولاتىنىن حابارلادى.
«بۇگىن باياناۋىل اۋداندىق سوتىندا «مايقايىڭالتىن» كەنىشىندە قازا تاپقان ءتورت قۇتقارۋشىنىڭ ءىسى بويىنشا الدىن الا سوت وتىرىسى وتەدى. وتىرىس ساعات 15.00-گە بەلگىلەنگەن. الدىن الا تىڭداۋلار وتۋىنە بايلانىستى وتىرىس جابىق رەجيمدە بولادى», دەپ مالىمدەدى وڭىرلىك سوتتىڭ ءباسپاسوز حاتشىسى اگيدەل يبراەۆا.
«مايقايىڭالتىن» اق-نىڭ التىن كەنىشىندە ءتورت قۇتقارۋشىنىڭ ءومىرىن قيعان اپاتقا كىنالى تۇلعالار رەتىندە 6 ادام ۇستالعانى تۋرالى بۇعان دەيىن جازعانبىز. ولار — «مايقايىڭالتىن» اق-نىڭ بۇرىنعى باس ديرەكتورى قۋانىش بوتين, ديرەكتوردىڭ ءبىرىنشى ورىنباسارى قانات باشيروۆ, ورىنباسارى يۆان تەرەشكوۆ, مايقايىڭ جەر استى كەنىشىنىڭ ديرەكتورى اندرەي شۋۆالوۆ پەن ونىڭ ورىنباسارى بەرىك نازىروۆ, كەنىشتىڭ باس ينجەنەرى دىنمۇحامەد قايىپقان ۇلى.
پاۆلودار وبلىسى
