ميكروشوپ وسىرەتىن ۆەرتيكالدى جىلىجاي ىسكە قوسىلدى

كاسىپورىننىڭ وندىرىستىك قۋاتى جىلىنا 300 مىڭ ءونىمدى قۇرايدى. ينۆەستيتسيالار كولەمى – 121 ملن تەڭگە, ونىڭ 100 ملن تەڭگەسى كومپانياعا تيەسىلى بولسا, 21 ملن تەڭگە «اlmaty» ميكروقارجى ۇيىمىنان» 2 پايىز مولشەرلەمەمەن الىنعان قاراجات.

الماتى قالاسىنىڭ كاسىپكەرلىك جانە ينۆەستيتسيالار باسقارماسى مەن وڭىرلىك كوممۋنيكاتسيالار قىزمەتى اياسىندا ءباسپاسوز تۋرىندا كومپانيا ديرەكتورى ۋليانا ساۆچەنكو جىلىجاي اشۋ يدەياسى جاڭا جانە ەكولوگيالىق تازا ونىمدەرگە سۇرانىستىڭ ارتۋىنا بايلانىستى بولعاندىعىن اتاپ ءوتتى.

«بۇگىندە كوپتەگەن ادامدار دۇرىس تاماقتانۋدى قالايدى. گيدروپوندى جۇيەلەر بىزگە ساپالى كوك ءشوپ ونىمدەرىن جىل بويى, گمو مەن حيميا پايدالانباي وسىرۋگە مۇمكىندىك بەرەدى. ماۋسىمدىق وزگەرىستەر باعاعا اسەر ەتپەيدى, ءتىپتى ماۋسىمنىڭ ەڭ قىزعان كەزىندە دە باعالار تۇراقتى بولىپ قالادى» دەدى ول.

جوبانى ىسكە اسىرۋعا كاسىپكەرلەر جەكە ينۆەستيتسيا سالىپ, وعان مەتالل سورەلەر جاسالىپ, شامدار, كەپتىرگىش, كونديتسيونەر, سۋ سۇزگىلەرى, كونتەينەر,  سونداي-اق ءونىمدى جەتكىزۋدى ۇيىمداستىرۋعا ارنالعان اۆتوموبيل ساتىپ الىندى.

الماتى