مەملەكەت باسشىسىنىڭ العىسى جازىلعان حاتتى بالاقايعا وبلىسى اكىمى سەرىك شاپكەنوۆ تاپسىردى. ونىڭ اتا-اناسىمەن كەزدەسىپ, كىشكەنتاي جاناشىرعا ۆەلوسيپەد سىيلادى.
«پرەزيدەنتتىڭ «تازا قازاقستان» باستاماسى ۋاقىتشا ءىس-شارا ەمەس, ءار ازاماتتىڭ كۇندەلىكتى اتقاراتىن ىسىنە اينالىپ وتىر. كەيدە كوپ سوزدەن گورى وسىنداي ناقتى قادامنىڭ اسەرى وزگەشە بولادى. دىنمۇحاممەد ءالى دە ويىن بالاسى بولسا دا, ونىڭ ارەكەتى, كىشكەنتاي بالاقايدىڭ شاشىلعان قوقىس جيناعانى بارشاعا وي سالدى. بۇل – وتباسىنداعى ءتالىمدى تاربيەنىڭ جەمىسى, ناعىز وتانسۇيگىشتىكتىڭ ۇلگىسى», دەدى س.شاپكەنوۆ.
بالاقايدىڭ اكەسى ەرجان حايروشەۆتىڭ ايتۋىنشا, تۇرعىنداردىڭ ءبىرى ۇلىن بەينەجازباعا ءتۇسىرىپ, الەۋمەتتىك جەلىگە جۇكتەگەن.
ء«بىز ءوزىمىز تۇراتىن شاعىن اۋداندا ورازا ايت مەيرامىن كەڭ كولەمدە تويلادىق. سودان كەيىن ۇلىمىز قوقىس جيناۋعا كومەكتەستى. ونىڭ بۇل ارەكەتى ەلدىڭ ىقىلاسىنا بولەنەدى دەپ ويلامادىق. ۇلىمىزدىڭ ءتىلى كەش شىقتى. قازىر بالاباقشاعا بارىپ ءجۇر. بالاباقشادان ۇيرەنگەنى دە بار شىعار. ءوز وتباسىمىزدا دا تازالىققا ءمان بەرەمىز. سەنبىلىكتەردەن قالمايمىز. مەن ۇلىمنىڭ ەلدىڭ پاتريوتى بولىپ ەرجەتكەنىن قالايمىن», دەيدى ە.حايروشەۆ.
اتىراۋ وبلىسى
