تۇركسىب اۋدانىنىڭ تۇرعىندارىمەن كەزدەسۋ بارىسىندا الماتى اكىمى ەربولات دوساەۆ اۋدانداعى ەسكى تۇرعىن ۇيلەردى رەنوۆاتسيالاۋ بويىنشا جۇرگىزىلىپ جاتقان جۇمىستار تۋرالى ايتىپ بەردى.
«وتكەن جىلى كاسسين جانە ساۋرانباەۆ كوشەلەرىندە 13 جاڭا كوپپاتەرلى تۇرعىن ءۇيدىڭ قۇرىلىسى اياقتالدى. التاي-2 شاعىن اۋدانىندا 6 بۇزىلعان ءۇيدىڭ ورنىنا توعىز قاباتتى 3 ءۇيدىڭ قۇرىلىسى ءجۇرىپ جاتىر. سونداي-اق ساۋرانباەۆ كوشەسىندە 3 ءۇيدى بۇزۋ جوسپارلانىپ وتىر, ودان كەيىن 8 جاڭا كوپپاتەرلى تۇرعىن ءۇي سالىنادى», دەدى ەربولات دوساەۆ.
ەستەرىڭىزگە سالا كەتەيىك, قالا اكىمدىگى 2030 جىلعا دەيىن تۇرعىن ءۇيدى رەنوۆاتسيالاۋدىڭ جاڭا باعدارلاماسىن ازىرلەگەن ەدى. باعدارلامادا 676 ەسكى ءۇيدى رەنوۆاتسيالاۋ قاراستىرىلعان. تەكتونيكالىق اقاۋلاردا ورنالاسقان قاڭقالى-قامىستى ۇيلەر مەن عيماراتتاردى بۇزۋعا باسا نازار اۋدارىلادى. باعدارلامانىڭ نەگىزگى قاعيداتى – قۇرىلىستى توقساندىق جۇرگىزۋ. عيماراتتاردى كوشىرۋ جانە بۇزۋ بارلىق ەسكى تۇرعىن ءۇي يەلەرىنىڭ كەلىسىمىمەن عانا جۇزەگە اسىرىلاتىن بولادى. بۇل رەتتە مەنشىك يەلەرىنە «بولمە ءۇشىن بولمە» قاعيداتى بويىنشا ايىرباستاۋ نەمەسە نارىقتىق قۇنى بويىنشا اقشالاي وتەماقى الۋ مۇمكىندىگى بەرىلەدى.
