فوتو: ile-tany.kz
2025 جىلعى اقپاندا اگەنتتىكتە بەس قازاقستاندىق بانكتىڭ بالانسىندا بۇگىندە 1,5 ترلن تەڭگەگە جۋىق مەملەكەتتىك كومەك بار دەپ حابارلادى. مىسالى, 2017 جىلدان 2020 جىلعا دەيىن بانك سەكتورىنىڭ قارجىلىق تۇراقتىلىعىن ارتتىرۋ باعدارلاماسى اياسىندا عانا ۇلتتىق بانك التى ەدب-گە 700,5 ملرد تەڭگە ءبولدى.
بانكتەردى رەتتەۋدىڭ ءۇش ساتىلى جۇيەسىن ەنگىزۋ ۇسىنىلادى:
- كۇشەيتىلگەن قاداعالاۋ;
- قارجىلىق تۇراقتىلىقتى قالپىنا كەلتىرۋ رەجيمى;
ء«اربىر ساتى كەلەسى ساتىعا كوشۋ ءۇشىن تريگگەرلەر جۇيەسىن, رەتتەۋشىنىڭ ءىس-قيمىلى مەن بانك تاراپىنان كۇتىلەتىن قادامداردى قوسا العاندا, زاڭدا ايقىندالعان. وسىلايشا, بانكتىڭ قارجىلىق جاي-كۇيىنىڭ ناشارلاۋىنىڭ العاشقى بەلگىلەرى كۇشەيتىلگەن قاداعالاۋعا جانە قالپىنا كەلتىرۋ جوسپارلارىن وزەكتەندىرۋگە اكەلەتىن بولادى. ودان ءارى ناشارلاعان كەزدە قوسىمشا شارالاردى قولدانۋ مۇمكىندىگىمەن قارجىلىق تۇراقتىلىقتى قالپىنا كەلتىرۋ رەجيمى جانداندىرىلاتىن بولادى. سوڭعى كەزەڭدە تولەم قابىلەتى جوق دەپ تانىلعان بانك ۋاقىتشا اكىمشىلىكتى ەنگىزۋ جانە ءومىر ءسۇرۋ قابىلەتتىلىگىن باعالاۋدى جۇرگىزۋ ارقىلى رەتتەلەتىن بولادى», دەپ اتاپ ءوتتى قندرا.
جاڭا زاڭ بانكتەردى قالپىنا كەلتىرۋ بويىنشا, ال رەتتەۋشىنى تولەم قابىلەتى جوق بانكتەردى رەتتەۋ جوسپارلارىن قۇرۋ جانە جاڭارتۋ بويىنشا جوسپارلاردى ازىرلەۋگە جانە جاڭارتۋعا مىندەتتەيدى. «جۇيەلى ماڭىزدى بانكتەرگە ولاردىڭ تۇراقتىلىعى مەن شىعىنداردى ءسىڭىرۋ قابىلەتىن ارتتىرۋ ماقساتىندا قويىلاتىن تالاپتاردى كۇشەيتۋ ماڭىزدى ەلەمەنت بولىپ تابىلادى. جاڭالىق جاعىمسىز ستسەناري جاعدايىندا مەملەكەتتىك قاراجاتتى پايدالانۋدى بارىنشا ازايتۋعا مۇمكىندىك بەرەدى. تۇتاستاي العاندا, مەملەكەتتiك قاراجاتتى پايدالانۋ ايرىقشا جاعدايلاردا جانە جۇيەلiك ماڭىزى بار بانكتەرگە عانا قاتىستى جۇزەگە اسىرىلاتىن بولادى. مۇنداي شارا قارجى جۇيەسى ءۇشىن ەڭ از جاعىمسىز سالدارى بار پروبلەمالىق بانكتەردى رەتتەۋ ءۇشىن مەملەكەتتىك كومەكتى قولدانۋدى كوزدەيدى», دەيدى قندرا-دا.
بانكتەردى رەتتەۋدىڭ جاڭا جۇيەسىندە بارلىق مەملەكەتتىك ورگانداردىڭ وكىلەتتىكتەرى ناقتى ايقىندالاتىن بولادى. مىندەتتەردى ءبولۋ ءتيىمدى جانە ۋاقتىلى دەن قويۋدى قامتاماسىز ەتۋ, تاۋەكەلدەردى ازايتۋ جانە سالىمشىلاردىڭ مۇددەلەرىن قورعاۋدى كۇشەيتۋ ءۇشىن قاجەت.
