اۋداندىق پروكۋراتۋرا قىزمەتكەرلەرى جۇرگىزگەن زەردەلەۋ جۇمىسىنىڭ ناتيجەسىندە جەرگىلىكتى اتقارۋشى ورگان قىزمەت كورسەتۋدىڭ ءتيىستى دەڭگەيىن قامتاماسىز ەتپەگەنى انىقتالعان.
«12.02.2025 جىلى اۋدان اكىمدىگىنىڭ جۇمىسپەن قامتۋ جانە الەۋمەتتىك باعدارلامالار ءبولىمى «مۇمكىندىگى شەكتەۋلى ادامداردى تاسىمالداۋ قىزمەتىن كورسەتۋ بويىنشا» شارت جاساسىپ, وندا ينۆاتاكسي تەك جۇمىس كۇندەرى جانە 8 ساعات ىشىندە جۇمىس ىستەيتىنىن كورسەتكەن. مۇنداي شارت تالاپتارى قولدانىستاعى زاڭناماعا قايشى كەلەدى جانە مۇگەدەكتىگى بار ادامداردىڭ قۇقىعىن بۇزۋعا اكەپ سوعادى», دەلىنگەن وبلىستىق پروكۋراتۋرانىڭ ءباسپاسوز قىزمەتى تاراتقان مالىمەتتە.
دەرەككە سەنسەك, پروكۋرورلىق قاداعالاۋ اكتىسىنىڭ ناتيجەسىندە ينۆاتاكسيدىڭ جۇمىس كەستەسى قايتا قارالىپ, زاڭ تالابىنا سايكەستەندىرىلگەن. ەندى دەمالىس جانە مەرەكە كۇندەرىن قوسا العاندا, قىزمەت تاۋلىك بويى قولجەتىمدى. وسىلايشا پروكۋرورلار اۋدانددىڭ ەرەكشە قاجەتتىلىگى بار 2 مىڭنان استام ازاماتىنىڭ قۇقىعىن قورعاپ قالدى. ال, زاڭعا شەكەدەن قاراعان لاۋازىمدى ازامات تارتىپتىك جاۋاپكەرشىلىككە تارتىلدى.
