ايرىقشا جوباعا ءۇن قوسۋشىلار سوعىسقا قاتىسقان تۋىستارىنىڭ نەمەسە اسكەري جىلدارداعى وتباسىلىق مۇراعاتتاعى فوتوسۋرەتتەرىن الەۋمەتتىك جەلىلەرگە جاريالاپ, ولاردى قىسقاشا اڭگىمەلەرمەن نەمەسە ەستەلىكتەرمەن بىرگە ۇسىنۋدا.
«الماتىلىقتاردىڭ ءاربىر وتباسى دەرلىك ءوز اتاسى مەن اجەسىنىڭ ەستەلىگىن قاستەرلەپ ساقتايدى – بۇل قارا-اق فوتوسۋرەتتەر, سارعايعان حاتتار, جەكە زاتتار بولۋى مۇمكىن. ءبىزدىڭ بەيبىت كۇنىمىز ءۇشىن جانىن قيعان باتىر اتا-بابالارىمىزدىڭ ەرلىكتەرى, وتانىنا ادال بولعان جۇزدەگەن مىڭ قازاقستاندىقتاردىڭ جادىندا ماڭگىلىككە قالادى!» دەيدى ۇيىمداستىرۋشىلار.
ماسەلەن, االەۋمەتتىك جەلى قولدانۋشىلارىنىڭ ءبىرى ايجان ماراتوۆا اتاسىنىڭ اعاسى تۋرالى اسەرلى جازبا قالدىرعان.
«اتامنىڭ اعاسى لەنينگرادتى جانكەشتىلىكپەن قورعاعانداردىڭ ءبىرى بولعان. سوعىس جايلى سيرەك ايتاتىن, كوبىنە ءۇنسىز قالاتىن, ىشكى جان-دۇنيەسىندە كوپ نارسەنى جاسىرىپ جۇرەتىن. جەڭىس كۇنى ول ارقاشان سابىرلى بولاتىن. بىراق ءبىر جىلى, بۇكىل وتباسىمىزبەن قازا تاپقاندار ەسكەرتكىشىنە بارعاندا, ونىڭ ەرنى دىرىلدەپ, كوزىندە جاس جىلتىراپ تۇرعانىن كوردىم. ول جاي عانا بىلاي دەدى: «شىنايى جەڭىس – تەك قالالاردى ازات ەتۋدە ەمەس, ءفاشيزمدى جەڭۋدە ەمەس. جەڭىس – حالىقتىڭ ءبارىن باستان وتكەرىپ, ادامشىلىقتان ايىرىلماي, امان قالعانىندا». بۇل سوزدەر ماڭگى ەسىمدە قالدى».
الەۋمەتتىك جەلىلەردە الماتىلىقتار وزدەرىنىڭ اتا-اجەلەرىنىڭ سوعىس جىلدارىنداعى وقيعالارىمەن بەلسەندى بولىسۋدە. ءدال وسى جەردە ەرلىكپەن وتانىن قورعاعان اتاقتى اتقىشتار ديۆيزيالارى قۇرىلعان بولاتىن.
1942 جىلدىڭ 13 تامىزىندا الماتىدان مايدانعا اتتانعان 100-اتقىشتار بريگاداسى العاشقى ۇلتتىق قۇرامالاردىڭ ءبىرى بولدى.
