جەتىساي اۋدانىنداعى جيىنعا ەڭبەك جانە حالىقتى الەۋمەتتىك قورعاۋ مينيسترلىگى كوشى-قون كوميتەتىنىڭ توراعاسى اسەت باعدات ۇلى, وبلىستىق «ەڭبەك موبيلدىلىگى ورتالىعىنىڭ» ديرەكتورى ابزال داۋلەتالى ۇلى, جەتىساي اۋدانى اكىمىنىڭ ورىنباسارى نۇركەن سەرىك ۇلى قاتىسىپ, 300-گە جۋىق تۇرعىنمەن ەركىن فورماتتا اڭگىمەلەستى. كەزدەسۋدە ەلىمىزدىڭ سولتۇستىك, ورتالىق جانە شىعىس وڭىرلەرى – تابيعي بايلىعى مول, مۇمكىندىگى كەڭ, الايدا ادام كۇشى جەتىسپەيتىن ايماقتار, اۋىل شارۋاشىلىعى مەن ءوندىرىس, ءبىلىم مەن مەديتسينا سالاسىندا ەڭبەك قولىنىڭ تاپشىلىعى كۇن تارتىبىندەگى وتكىر ماسەلە ەكەنى ايتىلدى. باعدارلاما شارتتارى جان-جاقتى ءتۇسىندىرىلىپ, جۇمىسپەن, باسپانامەن جانە الەۋمەتتىك قولداۋمەن قامتاماسىز ەتۋ جولدارى باياندالدى. ناتيجەسىندە 40-قا جۋىق جەتىسايلىق, ال ماقتاارالدا 35 ازامات قونىس اۋدارۋعا نيەت ءبىلدىردى.
ايتا كەتەلىك, 2015 جىلدان بەرى «قۋاتتى وڭىرلەر – ەل دامۋىنىڭ درايۆەرى» جوباسى اياسىندا تۇركىستان وبلىسىنان كوپتەگەن وتباسى ءوز ەركىمەن سولتۇستىككە قونىستاندى. مىسالى, ماقتاارال اۋدانىنان 144 وتباسى 2018-2024 جىلدارى ارالىعىندا جاڭا وڭىرگە اتتانعان.
