قازىر كوپپاتەرلى ۇيلەردە جىلۋدى ەسەپكە الۋدىڭ جالپىۇيلىك ەسەپتەۋ قۇرىلعىسى ورناتىلعان. جىلۋ تولەمدەرى پاتەردىڭ اۋدانىنا جانە بەلگىلى ءبىر ۋاقىت كىدىرىسىمەن ەسەپتەلەدى. بۇعان دەيىن قالا تۇرعىندارى تاراپىنان كوممۋنالدىق تولەم باعاسىنا قاتىستى بىرىزدىلىكتىڭ جوقتىعىن ايتىپ, شاعىمدانۋشىلار كوبەيگەن ەدى.
«بۇگىنگى كۇنى ەسەپتەۋ قۇرىلعىلارى تەك ءۇيدىڭ جالپى شىعىنىن ولشەيدى. وسى سەبەپتى تولەم پاتەردىڭ كولەمىنە قاراي جانە ازداعان ۋاقىت ايىرماسىمەن قالىپتاسادى», دەپ ءتۇسىندىردى ە. دوساەۆ.
ونىڭ ايتۋىنشا, قالا قازىردىڭ وزىندە ءار پاتەر بويىنشا ناقتى تۇتىنۋدى باقىلاۋعا مۇمكىندىك بەرەتىن تسيفرلى ەسەپتەۋ جۇيەسىنە كوشۋدى باستاپ كەتكەن.
«بيىل ءبىز ەسەپتەۋ پروتسەسىن تسيفرلاندىرۋدى باستادىق. باستى ماقسات – ءار پاتەر بويىنشا جىلۋ تۇتىنۋدى جەكە ەسەپكە الىپ, تۇرعىندار ناقتى قانشا جىلۋ تۇتىنىلعانىن جانە قانداي تەمپەراتۋرادا ەكەنىن كورىپ وتىراتىنداي ەتۋ. جۇمىس اياقتالعان سوڭ سىزدەر تولەم ەسەپتەلگەننەن كەيىن بىردەن ونلاين رەجيمدە شوتىڭىزدى كورە الاسىزدار دەپ ۇمىتتەنەمىز», دەدى قالا اكىمى.
بۇل جۇيەنى تولىق ەنگىزۋ 2025-2026 جىلدارى اياقتالادى دەپ جوسپارلانىپ وتىر. وسىدان كەيىن الماتىلىقتار جىلۋ تولەمىن ونلاين تۇردە ناقتى ۋاقىت رەجيمىندە كورە الادى.
