فوتو: sud.gov.kz
جوعارعى سوت كەڭەسىنىڭ توراعاسى دميتري مالاحوۆ ابدىقانوۆ نۇرعازى ابەن ۇلىن وتستاۆكاعا كەتۋىنە بايلانىستى جوعارعى سوتتىڭ سۋدياسى قىزمەتىنەن بوساتۋ تۋرالى مەملەكەت باسشىسىنىڭ ۇسىنىسىن قاراۋعا ەنگىزدى.
«سۋديا زەينەتكەرلىك جاسقا تولدى, تاجىريبەسى مول, 27 جىلدان استام ۋاقىت بويى سۋديالار قاۋىمداستىعىندا لايىقتى بەدەلگە يە بولدى. وسىعان بايلانىستى, قۇرمەتتى دەپۋتاتتار, ابدىقانوۆتى وتستاۆكاعا كەتۋىنە بايلانىستى جوعارعى سوت سۋدياسى قىزمەتىنەن بوساتۋ تۋرالى مەملەكەت باسشىسىنىڭ ۇسىنىسىن قولداۋلارىڭىزدى سۇرايمىز», دەدى دميتري مالاحوۆ سەنات وتىرىسىندا.
سەنات مۇشەلەرى بۇل ۇسىنىستى قولدادى.
ايتا كەتەيىك, نۇرعازى ابدىقانوۆ 1962 جىلى تۋعان. زاڭ عىلىمدارىنىڭ دوكتورى, ءىىم قۇرىلىمدارىندا, الماتى مەن بىرقاتار وڭىرلەردە سۋديا قىزمەتىن اتقارعان. 2020 جىلدىڭ ناۋرىز ايىنان باستاپ جوعارعى سوت سۋدياسى بولىپ جۇمىس ىستەدى. بۇعان دەيىن جوعارعى سوت قۇرامىندا, سونداي-اق جامبىل, سولتۇستىك قازاقستان, اقمولا وبلىستارى مەن الماتى قالاسىندا سوتتاردى باسقارعان.
