چەمپيوناتقا ەل اتىنان «قازاتومونەركاسىپتىڭ» قىزمەتكەرلەرىنەن قۇرالعان «سامۇرىق-قازىنا» اق پورتفەلدىك كومپانياسىنىڭ كومانداسى قاتىسىپ, 7 نەگىزگى باعىت بويىنشا جۇلدەلى ورىنداردى يەلەندى. وتاندىق ماماندار ستراتەگيالىق ماڭىزى زور ەلەكترونيكا, ەلەكتر مونتاجداۋ, دانەكەرلەۋ تەحنولوگيالارى, اناليتيكالىق باقىلاۋ, ەڭبەك قاۋىپسىزدىگى, قورشاعان ورتانى قورعاۋ مەن ارنايى تەحنيكانى باسقارۋ سياقتى باعىتتاردا جۇيرىكتىگىن دالەلدەدى.
جارىس قورىتىندىسىندا قور كومانداسى 7 مەدال يەلەندى. «سامۇرىق-قازىنا» اق باسقارما توراعاسى نۇرلان جاقىپوۆ قاتىسۋشىلارعا العىس ءبىلدىرىپ, جەڭىمپازدار مەن ولاردىڭ تالىمگەرلەرىن ماراپاتتادى.
«قازاتومونەركاسىپ» كومانداسى اتوم سالاسىنداعى ماڭىزدى 7 باعىتتا جوعارى دايىندىق دەڭگەيىن كورسەتتى. قازاقستاندا جاريالانعان جۇمىسشى ماماندىقتارى جىلىندا بۇل جەتىستىكتىڭ ماڭىزى زور. سىزدەردىڭ كاسىبي داعدىلارىڭىز بەن ەڭبەكتەرىڭىز وسىنداي ماڭىزدى سالانىڭ دامۋىنا ۇلەس قوساتىنى ءسوزسىز», دەدى قور باسشىسى.
سايىستا قورشاعان ورتانى قورعاۋ باعىتىندا «سەمىزباي-U» كومپانياسىنىڭ قورشاعان ورتانى قورعاۋ جانە رادياتسيالىق قاۋىپسىزدىك جونىندەگى ينجەنەرى قۇرالاي قوجاگەلدينوۆا (تالىمگەرى – «قازاتومونەركاسىپ» ۇيىمىنىڭ باس مامانى سامات قايرامباەۆ), ەڭبەكتى قورعاۋ باعىتىندا «ينكاي» كومپانياسىنىڭ قىزمەتكەرى رۋسلان ابدرايىموۆ (تالىمگەرى – «قازاتومونەركاسىپ» ۇيىمىنىڭ باس مامانى ارمان داۋتپاەۆ) 1-ورىندى يەلەندى. ەلەكترونيكا بويىنشا «وڭتۇستىك تاۋ-حيميالىق كومپانياسىنىڭ» سلەسارى اسىلحان تىلەۋباي (تالىمگەرى – «ورتالىق ءوندىرۋشى كاسىپورنىنىڭ» ينجەنەرى سەرگەي رىكوۆ), ەلەكتر مونتاجداۋ بويىنشا ء«ۇلبى مەتاللۋرگيا زاۋىتىنىڭ» ەلەكتر مونتەرى سەرگەي توكارەۆ (تالىمگەرى – «قىزىلقۇم» ۇيىمىنىڭ باس مەنەدجەرى باقىت سارتاەۆ) 2-ورىن الدى.
اناليتيكالىق باقىلاۋ باعىتىندا «ينكاي» ۇيىمىنىڭ مامانى رايىمبەك قوجامقۇلوۆ (تالىمگەرى – «قازاتومونەركاسىپ» ۇيىمىنىڭ باس مەنەدجەرى جادىرا قۇرماناەۆا), دانەكەرلەۋ جۇمىستارىنان «قازاتومونەركاسىپ-SaUran» ۇيىمىنىڭ ەلەكتر جانە گاز دانەكەرلەۋشىسى بەرەكەت باتىرباەۆ (تالىمگەرى – «قازاتومونەركاسىپ-SaUran» قىزمەتكەرى بايعالي كارەنوۆ), ارنايى تەحنيكانى باسقارۋعا «KAP Logistics» جۇرگىزۋشىسى جاسۇلان جارىلقاسىنوۆ (تالىمگەرى – «KAP Logistics» جۇرگىزۋشىسى ەلدار ماحمۇتوۆ) 3-ورىندى ەنشىلەدى.
تاجىريبەلى تالىمگەرلەر تەك تەحنيكالىق ماشىقتى ۇيرەتىپ قانا قويماي, سايىستىڭ جاۋاپتى ساتتەرىندە قاتىسۋشىلاردىڭ رۋحىن كوتەرىپ, قولداۋ كورسەتتى. كوماندانى جارىسقا «قازاتومونەركاسىپتىڭ» باس مەنەدجەرى ەرزاتحان ابىلايحانوۆ باستاپ باردى.
