سۋرەتتى تۇسىرگەن – جانگەلدى ابدىعالىم
پرەزيدەنتتىڭ ىشكى ساياسات ماسەلەلەرى جانە كوممۋنيكاتسيالار جونىندەگى كومەكشىسى ارمان قىرىقباەۆ مەملەكەت باسشىسى قاسىم-جومارت توقاەۆتىڭ قۇتتىقتاۋ حاتىن وقىپ بەردى. ءوزىنىڭ دە جۇرەكجاردى لەبىزىن قوساقتادى.
– مەن سەرىك اعامىزبەن قاراعاندىعا قىزمەتكە كەلگەندە, 2010 جىلى جۇزبە-ءجۇز تانىسقان ەدىم. سوندا اقىن اعامىز: «قاراعاندىنىڭ ءۇستى دە, استى دا قازىنا. جاساعان ەڭبەگىڭدى ەسەلەيتىن ەل-جۇرت بار مۇندا. ساعان باتامدى بەرەيىن», دەدى. مىنە, سودان بەرى اعامىز تىلەۋقورىمىز بولدى. سەرىك اعامىزدىڭ ولەڭدەرى وزگەشە. جويقىن ەنەرگيا بار. مەرەيتويىڭىز قۇتتى بولىپ, جۇزگە كەلىڭىز دە, كۇللى ەلدى تاڭعالدىرىڭىز, اعا, – دەپ لەبىزىن بىلدىرگەن پرەزيدەنت كومەكشىسى اقىننىڭ يىعىنا شاپان جاپتى.
قاراعاندى وبلىسىنىڭ اكىمى ەرماعانبەت بولەكپاەۆ مەرەيتوي يەسىنىڭ ەل مادەنيەتىنىڭ دامۋىنا قوسقان ەلەۋلى ۇلەسىنە العىس ءبىلدىرىپ, قۇرمەتىن كورسەتتى.
– ءسىز كورنەكتى اقىنسىز, قۇرمەتتى ازاماتسىز. دارىنىڭىزبەن قازاق ادەبيەتىنە زور ۇلەس قوسىپ كەلەسىز. شىعارمالارىڭىز جاستايىڭىزدان جوعارى باعالانىپ, وقىرمانداردىڭ ىستىق ىقىلاسىنا بولەندى, – دەدى قۇتتىقتاۋىندا ەرماعانبەت قابدۋلا ۇلى.
پرەمەر-مينيستر ولجاس بەكتەنوۆ, پارلامەنت سەناتىنىڭ توراعاسى ماۋلەن اشىمباەۆ, پارلامەنت ءماجىلىسىنىڭ توراعاسى ەرلان قوشانوۆ, مەملەكەتتىك كەڭەسشى ەرلان قارين, مادەنيەت جانە اقپارات ءمينيسترى ايدا بالاەۆا, استانا قالاسىنىڭ اكىمى جەڭىس قاسىمبەك, تاعى باسقا رەسمي تۇلعالاردىڭ قۇتتىقتاۋ حاتى وقىلدى.
مەملەكەت جانە قوعام قايراتكەرى دۇيسەن قاسەيىنوۆ نايزاعاي اقىننىڭ بولمىسىن سۋرەتتەي سويلەپ, وڭىرىنە تۇركسوي التىن مەدالىن تاقتى. اقىن, «قازاق ادەبيەتى» گازەتىنىڭ باس رەداكتورى باۋىرجان جاقىپ سەرىك اقسۇڭقار ۇلىنا قازاقستان جازۋشىلار وداعىنىڭ توراعاسى مەرەكە قۇلكەنوۆتىڭ اتىنان جىلى لەبىز جەتكىزىپ, «قازاقستاننىڭ قۇرمەتتى جازۋشىسى» اتاعىمەن ماراپاتتادى. ە.بوكەتوۆ اتىنداعى قاراعاندى زەرتتەۋ ۋنيۆەرسيتەتىنىڭ رەكتورى نۇرلان دۋلاتبەكوۆ عىلىمي كەڭەس شەشىمىمەن سەرىك اقسۇڭقار ۇلى «قۇرمەتتى پروفەسسور» اتانعانىن مالىمدەدى.
كەشتە «قۇرمەت» وردەنىنىڭ يەگەرى امانتاي جۇماشەۆ, قازاقستاننىڭ ەڭبەك سىڭىرگەن قايراتكەرى جاقسىكەلدى كەمالوۆ, مادەنيەت سالاسىنىڭ ۇزدىگى سايات ابدىعالي, مەرۋەش باشاي, ق.بايجانوۆ اتىنداعى كونتسەرتتىك بىرلەستىك ءانشىسى قۇرماش ىبىشەۆ, ءداستۇرلى ءاننىڭ دۇلدۇلدەرى ەرجان بازاربەكوۆ, تالانتتى اقىن ماقسات كۇزەمحانوۆ, ءانشى سالتانات مۇقىشەۆا اقىننىڭ سوزىنە جازىلعان «سارىارقام مەنىڭ», «قارقارالى», «بالقانتاۋ – اققۋلار مەكەنى», «شايتانكول», «قاراعاندى ءۆالسى», ء«ۇش تاۋىم-اي», ء«ومىر دەگەن – كۇندى اينالۋ», «ەسىل مەن نۇرا», «ماڭگىلىك ەل» سەكىلدى سىرلى اندەردى شىرقادى.
س.سەيفۋللين اتىنداعى اكادەميالىق قازاق دراما تەاترىنىڭ ارتىستەرى سومداعان «جارىق پەن تۇنەك جىرى» مەن «مۋزا قىز بەن مانساپ اتتى مارتەبەلى مىرزا تۋرالى باللادا» قويىلىمىنا حالىق زور قوشەمەت تانىتتى.
حالىقارالىق «شابىت» فەستيۆالىنىڭ لاۋرەاتى, اقىن ميراس اسان كەش يەسىنە ارناپ «اقىن زەرتحاناسى» اتتى ولەڭىن وقىدى. قازاقستاننىڭ ەڭبەك سىڭىرگەن قايراتكەرى قايرات كەمالوۆ سەرىك اقسۇڭقار ۇلىنىڭ «رۋحتىڭ شالقۋى» ولەڭىن وقىعاندا كەش تاقىرىبى مەن مازمۇنى ورايلاسقانىنىڭ ايعاعىنداي حالىق قول سوقتى.
اقتوعاي اۋدانىنىڭ «توقىراۋىن تولقىندارى» əن-بي ءانسامبلى ورىنداعان اۆتوردىڭ «شايتانكول – اققۋلار مەكەنى» ءəنى كەشتىڭ شىرايىنا شىراي قوستى.
كەش سوڭىن ابادان اقىن ءوزى تۇيىندەپ, كوپشىلىككە شالقىعان كوڭىلىن جەتكىزدى. «ۇستارانىڭ جۇزىندە» اتتى سياسى كەپپەگەن ولەڭىن وقىپ, ەلگە باسىن ءيدى.
قاراعاندى وبلىسى
