«سۋ رەسۋرستارىن تۇتىنۋ مادەنيەتىن ارتتىرۋ, تۇتىنۋشىلاردى سۋ مەن جىلۋدى ۇنەمدەۋگە ىنتالاندىرۋ ءۇشىن تابيعي مونوپوليالار تۋرالى زاڭناماعا «تۇتىنۋدىڭ الەۋمەتتىك نورمالارى» ۇعىمى ەنگىزىلدى. بۇل «نەعۇرلىم كوپ ۇنەمدەسەڭىز, سوعۇرلىم از تولەيسىز» قاعيداتى بويىنشا سۋمەن, جىلۋمەن جابدىقتاۋ قىزمەتتەرىن تۇتىنۋ كولەمىنە بايلانىستى جوعارى تاريفتەردى بەلگىلەۋگە باعىتتالعان», دەءيدى مامان.
ارداق جاڭاباەۆانىڭ ايتۋىنشا, سۋمەن جابدىقتاۋدا تاريفتەردىڭ ءتورت دەڭگەيلى جۇيەسى قولدانىلادى: 3 م³ دەيىن – قولدانىستاعى تاريف; 3-تەن 5 م³ دەيىن – +20%; 5-تەن 10 م³ دەيىن – +50%; 10 م³ جوعارى جانە ەسەپتەگىش بولماعان جاعدايدا – قوس تاريف ەسەپتەلىنەدى.
جىلىتۋ نورمالارى تۇرعىن ءۇيدىڭ اۋدانى بويىنشا ەسەپتەلەدى: 100 م² دەيىن – بەكىتىلگەن تاريف; 100-دەن 200 م² دەيىن – +10%; 200 م² جوعارى– ورتاشا تاريف.
ساراپشى سارالانعان تاريفتەردەن تۇسەتىن قوسىمشا قاراجات تۇرعىن ءۇي-كوممۋنالدىق شارۋاشىلىعىن جاڭارتۋ ىسىنە جۇمسالاتىنىن ايتادى. اتاپ ايتقاندا, ينجەنەرلىك جەلىلەر جاڭارتىلىپ, رەسۋرس ۇنەمدەيتىن تەحنولوگيالار ەنگىزىلەدى جانە ەسەپتەۋ قۇرىلعىلارى ورناتىلادى.
قازىرگى تاڭدا ينۆەستيتسيالىق باعدارلامالاردى وزگەرتۋ ءۇشىن «الماتى سۋ» (3,3 ملرد تەڭگە) مەن «الماتى جىلۋ جۇيەسىنىڭ» (83 ملن تەڭگە) وتىنىشتەرءى قارالىپ جاتىر.
«بۇل شارالار ينفراقۇرىلىمدى دامىتىپ قانا قويماي, تۇرعىن ءۇي كومەگى ەسەبىنەن مۇقتاجوتباسىلاردى اتاۋلى تۇردە قولداۋعا ءمۇمكىندىك بەرەدى», دەيدى ا.جاڭاباەۆا.
