«مانساپ» ورتالىعىنىڭ ديرەكتورى ەرنۇر ابداليەۆتىڭ ايتۋىنشا, قازىردە وبلىس ورتالىعىندا ءىس جۇرگىزۋشى, ەكونوميست, ەسەپشى, IT ماماندارى, زاۋىتتاردا وپەراتور ماماندارى تاپشى. «جىل سوڭىنا دەيىن قالادا ۋاقىتشا جۇمىس ورىندارىمەن 956 ادامدى, تۇراقتى جۇمىسپەن 980 ادامدى قامتۋ جوسپارلانىپ وتىر. بۇدان بولەك, بيىل «جاستار پراكتيكاسى», «العاشقى جۇمىس ورنى», «كۇمىس جاس», «قوعامدىق جۇمىس ورنى», «الەۋمەتتىك جۇمىس ورىندارى», «ۇرپاقتار كەلىسىمشارتى» جوبالارى دا جالعاسىن تابادى. بۇگىندە 457 ادام جۇمىسسىز رەتىندە تىركەلگەن», دەدى ورتالىق ديرەكتورى.
ءىس-شارا بارىسىندا كوپسالالى كوللەدجدىڭ مۇعالىمدەرى جوعارى سىنىپ وقۋشىلارىنا تەحنيكالىق ماماندىقتار جونىندە اقپارات بەرىپ, شەبەرلىك ساعاتتارىن وتكىزدى. قازىر كوللەدجدە تاماقتاندىرۋدى ۇيىمداستىرۋ, دانەكەرلەۋ ءىسى, توكارلىق ءىس, اۆتوموبيل كولىگىنە تەحنيكالىق قىزمەت كورسەتۋ, تىگىن ءوندىرىسى جانە كيىمدەردى ۇلگىلەۋ, تاعام ءوندىرىسىنىڭ تەحنولوگياسى, ەسەپتەۋ تەحنيكاسى جانە اقپاراتتىق جەلىلەر سىندى 7 ماماندىق وقىتىلادى. ءبىلىم الۋشىلاردىڭ سانى – 462. بىلتىرعى تۇلەكتەردىڭ 76%-ى جۇمىسقا ورنالاسقان.
ءىس-شارانىڭ اشىلۋىنا قالا اكىمى اسحات بەردىحانوۆ قاتىسىپ, جۇمىسشى ماماندىقتارى جىلىنىڭ ماڭىزدىلىعىنا توقتالدى. HR ماماندارى جاستارعا اقىل-كەڭەستەرىن ايتىپ, تاجىريبەلەرىمەن ءبولىستى. سونداي-اق «وتباسى بانك» اق وكىلدەرى «ناۋرىز جۇمىسكەر» تۇرعىن ءۇي باعدارلاماسى تۋرالى اقپارات بەردى.
الماتى وبلىسى
